تەندروستی هەرێم ئاگاداریەك لە بارەی بەكارهێنەرانی ڤاكسینی سینۆفارم و فایزەر بڵاو دەكاتەوە

به‌ڕێوه‌به‌رایه‌تی گشتی ته‌ندروستی هه‌ولێر ئاگادارینامه‌یه‌كی له‌باره‌ی به‌كارهێنانی ڤاكسینی سینۆفارمی چینی و ژه‌می دوه‌می ڤاكسینی فایزه‌ر بڵاوكرده‌وه‌ و رایگه‌یاند، له‌هه‌فته‌ی داهاتوه‌وه‌ ده‌ست به‌دابه‌شكردنی ژه‌می دوه‌می ڤاكسینی فایزه‌ر ده‌كرێت

له‌ئاگادارینامه‌یه‌كدا، ته‌ندروستی هه‌ولێر رایگه‌یاند، سه‌باره‌ت به‌ پرۆسه‌ی پێدانی ڤاكسینی كۆڕۆنا له‌ پارێزگای هه‌ولێر ئه‌م پڕۆسه‌یه‌ به‌رده‌وامه‌ له‌ بنكه‌ ته‌ندروستیه‌كان له‌ جۆری سینۆفارم (SINOPHARMA) دابه‌شده‌كرێت و داوا له‌ هاوڵاتیان ده‌كه‌ن، به‌رده‌وام بن له‌ ناو تۆماركردن له‌ پۆرتالی فه‌رمی وه‌زاره‌تی ته‌ندروستی، له‌و كاته‌ی نۆره‌یان هات سه‌ردانی بنكه‌ی ته‌ندروستی بكه‌ن له‌ پێناو پاراستنی ته‌ندروستی هه‌مو لایه‌ك

ئه‌وه‌شی خسته‌ڕو، ئه‌و هاوڵاتیانه‌ی كه‌وا ژه‌می یه‌كه‌می ڤاكسینی فایزه‌ر (Pfizer) یــان وه‌رگرتوه‌ ئاگاداریان ده‌كه‌نه‌وه‌، به‌كارهێنانی ژه‌می دوه‌م به‌ پێی ڕێنمایی زانستی هه‌ردو وه‌زاره‌تی ته‌ندروستی حكومه‌تی هه‌رێم فیدراڵ ماوه‌كه‌ی له‌نێوان 21 تا 28 ڕۆژه‌، ده‌كرێت له‌و ماوه‌یه‌ ژه‌می دووه‌م وه‌ربگیرێت بۆیه‌ له‌هه‌فته‌ی داهاتوه‌ ده‌ستده‌كرێت به‌ دابه‌شكردنی ژه‌می دوه‌می ڤاكسینی فایزه‌ر

 

بەگوێرەی دواین ئاماری وەزارەتی تەندروستی هەرێمی كوردستان، 153582 (سەد و پەنجاو سێ هەزار و پێنجسەد و هەشتا و دو) توشبوی كۆرۆنا تۆماركراون، لەنێویاندا 4068 (چوار هەزار و شەست و هەشت) گیان لەدەستدان هەیە

کچێک لەسەر پردێک خۆی فڕێدەداتە خوارەوە و گیان لەدەستدەدات

کچێکی تەمەن 15 ساڵ لەسەر پردێکی سلێمانی خۆی فڕێدەداتە خوارەوە و بەر لەوەی بگەیێندرێتە نەخۆشخانە گیان لەدەستدەدات، گوتەبێژی پۆلیسی سلێمانیش دەڵێت تاوەکو ئێستا ناسنامەی کچەکە دیار نییە. سەرکەوت ئەحمەد، گوتەبێژی پۆلیسی سلێمانی راگەیاند: "سەر لە بەیانی ئەمڕۆ چوارشەممە، کچێک کە مەزەندە دەکرێت تەمەنی 15 ساڵ بێت لەسەر پردی وڵوبە لە سەنتەری شاری سلێمانی، کەوتووەتە خوارەوە و گیانی لەدەستداوە". بە گوتەی سەرکەوت ئەحمەد، هەر دوای رووداوەکە تیمەکانی پۆلیس گەیشتوونەتە شوێنی رووداوەکە، دوای لێکۆڵینەوەی سەرەتایی بۆیان دەرکەوتووە کچەکە بە مەبەست خۆی هەڵداوەتە خوارەوە، بەڵام ئەوەش بە تەواوی یەکلایی نەبووەتەوە، چونکە لە کاتی رووداوەکەدا کەس نەیبینووە. سەبارەت بە ناسنامەی کچەکە، سەرکەوت ئەحمەد گوتی: "کچەکە نەناسراوەتەوە، چونکە هیچ ناسنامەیەکی پێ نییە، تەنیا جزدانێکی پێبووە ئەویش هیچی تێدا نەبووە، کچەکە پانتۆڵێکی رەش و کراسێکی سپی لە بەردابووە". بەپێی زانیارییەکان، کچەکە لە کاتی خۆهەڵدانی لەسەر پردەکە، کەوتووەتە سەر تاکسییەک، ئێستا شۆفێری تاکسییەکە لە بنکەی پۆلیسی سەیوان دەستبەرسەرە.

ئەمڕۆ سەرۆکی پەرلەمانی عێراق سەردانی هەولێر دەکات

بەمەبەستی تاوتوێکردنی پەیوەندییەکانی هەولێر و بەغدا، جێبەجێکردنی یاسای بودجە و پرسی هەڵبژاردنەکان، ئەمڕۆ دوشەممە سه‌رۆكی په‌رله‌مانی عێراق سەردانی ھەرێمی کوردستان دەکات و لەگەڵ بەرپرسانی هەرێم کۆدەبێتەوە.

بەگوێرەی زانیارییەکان ئەمڕۆ دوشەممە محەمەد حەلبوسی، سه‌رۆكی په‌رله‌مانی عێراق سەردانی هەولێر دەکات و لەگەڵ بەرپرسانی هەرێمی کوردستان دۆخی سیاسی، ئابوری، پرسی هەڵبژاردنەکان و ئاسایش تاوتوێ دەکات.

سەردانەکەی حەلبوسی لەکاتێکدایە 29ی نیسانی ئەمساڵیش سەرۆک بەرهەم ، سەرۆک کۆماری عێراق سەردانی هەولێری کرد و زنجیرەیەک کۆبونەوەی لەگەڵ بەرپرسانی حکومەتی هەرێم ئەنجامدا، لەکۆبونەوەکاندا جه‌خت له‌سه‌ر پێویستیی تێپه‌ڕاندنی ناكۆكی و ململانێكان و گفتوگۆ و لێكگه‌یشتن له‌نێوان لایه‌نه‌ سیاسییه‌كاندا كرایه‌وه‌.

سەرۆک بەرهەم هەروەها پرسی هێنانه‌دی یه‌كڕیزیی نیشتمانی و لێكنزیككردنه‌وه‌ی بیروبۆچونه‌كان به‌ ئاراسته‌ی تێپه‌ڕاندنی ناكۆكییه‌كان و یه‌كخستنی هێز و تواناكان بۆ ڕوبه‌ڕوبونه‌وه‌ی ئه‌گه‌ر و پێشهاته‌كانی لەگەڵ سەرکردەکانی کوردستان تاوتوێ کردوە.

 

z.s

موشەکە ئاراستەکراوەکانی بنکەی ئاسمانی بەلەد وێنەی سولەیمانی و موهەندیسیان پێوە بووە

ماڵپەڕی سکای نیوزی عەرەبی بڵاویکردەوە، بەر ئاڕاستەکردنیان وێنەی ئەو موشەکانەی دەستکەوتووە، کە ئەمشە و ئاراستەی بنکەی ئاسمانی بەلەد کرا، کە وێنەی قاسم سولەیمانی و ئەبو مەهدی موهەندیسیان پێوە کراوە.

بە گوێرەی هەواڵەکەشەوی رابردوو ١٠ موشەکی کاتیوشیا ئاراستەی ئەو بنکە ئاسمانییە کراوە، بەڵام وەک فەرماندەی بنکە ئاسمانییەکە رایگەیاندووە، هێرشەکە هیچ زیانێکی ئەوتۆی بە دواوە نەبووە.

لە لایەکی ترەوە دوای هێرشەکەهێزە ئەمنییەکانی عێراق، ئۆپراسیۆنێکی فراوانیان لەو ناوچانەی کە موشەکەکانی لێوە ئاراستە کراوە دەستپێکردووە، بە مەبەستی دۆزینەوەی ئەو کەسانەی هێرشەکەیان ئەنجام داوە.

هەر ئەمشە و شانەی راگەیاندنی ئەمنی عێراق لە بەیاننامەیەکدا ڕایگەیاند، ئەو کارانە بە مەبەستی لاوازکردنی توانای هێزە ئەمنییەکانی عێراقە، بۆیە ڕێگە نادەن ئەو گروپە دەرچووانە لە یاسا، بە کارانەیان وا بە ئاسانی بەسەردا تێپەڕێت، کە هیچ خێرو خۆشیەکیان بۆ عێراقییەکان ناوێت.

ئەمڕۆ عێراقییەکانی هیندستان دەگەڕێندرێنەوە

هێڵی ئاسمانیی عێراق رایگەیاند ئەمڕۆ یەکەم گەشتی ئاسمانیی بۆ هێنانەوەی ئەو هاووڵاتییە عێراقیانەی، کە لە هیندستان گیریان خواردووە، دەستپێدەکات.

جیهاد کازم، گوتەبێژی هێڵی ئاسمانیی عێراق، رایگەیاند: "ئەمڕۆ یەکەم گەشتی ئاسمانیی بۆ گواستنەوەی هاووڵاتیانمان، کە لە هیندستان گیریان خواردووە بۆ بەغدا دەستپێدەکات".

فرۆکەیەکی هێڵی ئاسمانیی عێراق ئەمڕۆ 162 عێراقی لە هیندستانەوە دەگوازێتەوە. جیهاد کازم دەڵێت: "نزیکەی 1300 هاووڵاتی عێراقی لە هیندستان گیریان خواردووە، هەمووشیان بە چەند گەشتێک دەگەڕیندرێنەوە بەغدا و هەر لە پایتەخت کەرەنتین دەکرێن".

بەهۆی مەترسی گواستنەوەی ڤایرۆسی کۆرۆنای گۆڕاوی هیندی لەو وڵاتەوە، عێراق لە 27ـی نیسانی 2021 وە گەشتە ئاسمانییەکانی لەگەڵ هیندستان بۆ کاتێکی نادیار راگرت.

سەبارەت بەو رێکارە تەندروستییانەی، کە بەرامبەر هاووڵاتییە گەڕاوەکان دەگیرێنەبەر، پێشتر وەزارەتی تەندروستیی عێراق، لە راگەیێندراوێکدا رایگەیاند: "بەهۆی بڵاوبوونەوەی جۆرێکی نوێ و ترسناکتری ڤایرۆسی کۆرۆنا لە هیندستان، هەر کەسێک لەو وڵاتە بگەڕێتەوە چەند رێکارێکی بەرامبەر دەگیرێتەبەر، لەوانە کەرەنتینکردنی بۆ ماوەی 14 رۆژ لەو شوێنانەی کە وەزارەت تەرخانیان دەکات. پشکنینی (PCR) بۆ هەر گەڕاوەیەک، پاش هەفتەیەکی دیکەش هەمان پشکنینیان بۆ دەکرێت، ئەگەر ئەنجامەکەی نێگەتیف بوو ئەوا رێگە بە کەرەنتینکراوەکە دەدرێت لە ماڵەوە خۆی کەرەنتین بکات، بەڵام ئەگەر دەرکەوێت هەر گەڕاوەیەک تووشی کۆرۆنا بووە جیادەکرێتەوە و بەپێی پرۆتۆکۆل چارەسەر دەکرێت، لە کۆتایی دوو هەفتەکەش دیسان پشکنینی (PCR) بۆ دەکرێت".

پێشتر فەلاح ساعدی، باڵیۆزی عێراق لە هیندستان، رایگەیاندبو: "تائێستا شەش عێراقی لە هیندستان دوای تووشبوونیان بە کۆرۆنا گیانیان لەدەستداوە، حەوت عێراقی دیکەش لە هیند بەهۆی هۆکاری دیکە گیانیان لەدەستداوە، بەڵام ئەوانەی بە کۆرۆنا گیانیان لەدەستدا، هیند رێگە بە گەڕاندنەوەی تەرمەکانیان بۆ عێراق نادات، بۆیە تەرمەکانیان هەر لە هیندستان دەنێژرێن".

دامەزراوە تەندروستییە جیهانییەکان دەڵێن ڤایرۆسی کۆرۆنای گۆڕاوی هیندی، ترسناکترین جۆری دەستنیشانکراوی ڤایرۆسەکەیە، چونکە توانای بڵاوبوونەوەی زۆر زیاترە بەراورد بە جۆری یەکەمی ڤایرۆسەکە.

چەند هەفتەیەکە ڤایرۆسی کۆرۆنای گۆڕاوی هیندی تەنگی بە هیندستان هەڵچنیوە و کەرتی تەندروستی ئەو وڵاتەی دارووخاندووە، بەڕادەیەک ژمارەی تووشبووانی کۆرۆنا لە هیند رۆژانە گەیشتووەتە نزیکەی 400 هەزار تووشبوو، هاوکات نرخی بوتڵێک ئۆکسجین گەیشتووەتە 1300 دۆلار.

 

 

z.s