مەكتەبی راگەیاندنی حزبی زەحمەتكێشانی كوردستان پرسەنامەیەك بە بۆنەی كۆچی دوایی كاكە مەم بۆتانی بڵاودەكاتەوە

بەناوی هاوڕێیانمان لە مەكتەبی راگەیاندنی حزبی زەحمەتكێشانی كوردستان، خەمباری خۆمان دەردەبڕین كە نوسین و روناكبیری و وشەی كوردی یەكێك لە نوسەرو رۆشنبیری بەتوانای خۆی لە دەستدا..هاوبەشی خەمی خانەوادەی بەڕێز (كاكە مەم بۆتانی) ن، كە ئەمڕۆ كۆچی دوایی كردو ماڵئاوایی لە نوسەران و رۆشنبیرانی كوردستان كرد.

ئومێد دەكەین رۆحی كۆچ كردوو شاد بێت و سەبوری بۆ هەموو لایەك دەخوازین.

مەكتەبی راگەیاندنی حزبی زەحمەتكێشانی كوردستان

25/10/2020

مەلا بەختیار سەردانی حزبی زەحمەتكێشانی كوردستان دەكات

ئەمڕۆ 24/10/2020، لەشاری هەولێر، مەلا بەختیار ئەندامی ئەنجومەنی باڵای بەرژەوەندی‌و سیاسی یەكیەتی نیشتمانی كوردستان، سەردانی حزبی زەحمەتكێشانی كوردستانی كرد. لەلایەن هاوڕێیان بەڵێن عەبدولڵا سكرتێری حزب‌و سەعد خالد جێگری سكرتێری حزب‌و ژمارەیەك لەهاوڕێیانی مەكتەبی سیاسی‌و سەركردایەتی پێشوازی كران.

وێڕای تاوتوێ كردنی هەلومەرجی ئەمڕۆی سیاسی لە عێراق‌و هەرێمی كوردستان‌و ململانێی نێودەوڵەتی لەناوچەكەدا، جەخت لەوە كرایەوە كە گەلی كوردستان‌و لایەنە سیاسیەكانی، خۆیان بۆ ئەگەرو پێشهاتەكان و گۆڕانكاریەكان ئامادە بكەن، لەم بارەیەوە مەلا بەختیار جەختی لەوە كردەوە كە گرنگە هێزو لایەنە سیاسیەكانی كوردستان كۆنگرەیەكی نیشتمانی ببەستن‌و تاوتوێی گۆڕانكاریەكان و پێشهات و ئەگەرەكان بكەن و مەترسیەكان بەجدی وەربگرین‌و خۆمان بۆ مەترسیەكان ئامادەبكەین.

حزبی زەحمەتكێشانی كوردستانیش پشتیوانی پێشنیاری لەم جۆرە دەكات لەپێناو سیاسەتی نیشتمانی‌و كوردستانی‌و روبەربوونەوەی مەترسیەكان.

هاوكات پەیوەندی دۆستانەو كوردستانی نێوان هەردوولاش دووپات كرایەوە.

وەزارەتی دەرەوەی ئەمەریكا: پاداشتی 10 ملیۆن دۆلار به‌ هه‌ر كه‌سێك ده‌دات كه‌ زانیاری له‌باره‌ی سه‌رچاوه‌ داراییه‌كانی حزبوڵڵای پێ بدات

وه‌زاره‌تی ده‌ره‌وه‌ی ئه‌مه‌ریكا رایگه‌یاند، بڕی 10 ملیۆن دۆلار وه‌ك باداشت به‌و كه‌سه‌ ده‌ده‌ن، كه‌ هه‌ر زانیارییه‌ك له‌باره‌ی تۆڕی سه‌رچاوه‌ داراییه‌كانی حزبوڵڵای لوبنانییان پێ بدات.

له‌ راگه‌یه‌ندراوێكدا وه‌زاره‌تی ده‌ره‌وه‌ی ئه‌مه‌ریكا رایگه‌یاند، ئه‌و بڕه‌ پاره‌یه‌ له‌ چوارچێوه‌ی به‌رنامه‌ی "پاداشت به‌رامبه‌ر دادپه‌روه‌ری" پێشكه‌ش ده‌كه‌ن، به‌رامبه‌ر هه‌ر زانیارییه‌ك كه‌ بتوانن له‌ رێگه‌یه‌وه‌ سه‌رچاوه‌ داراییه‌كانی حزبوڵڵا هه‌ڵوه‌شێننه‌وه‌، كه‌ واشنتن به‌ رێكخراوێكی تیرۆرستی ده‌زانێت.

 

به‌دیاریكراویش وه‌زاره‌تی به‌رگری ئه‌مه‌ریكا ئاماژه‌ی به‌وه‌ داوه‌، ئه‌و پاداشته‌ به‌رامبه‌ر پێدانی زانیاری له‌سه‌ر 3 به‌رپرسی حزبوڵڵا ده‌ده‌ن، ئه‌وانیش: "محه‌مه‌د قه‌سیر، محه‌مه‌د قاسم به‌زال و عه‌لی قه‌سیر"ـن.

 

هه‌روه‌ها ده‌سه‌ڵاتدارانی ئه‌مه‌ریكا ئه‌و 3 به‌رپرسه‌ی به‌وه‌ تۆمه‌تبار كردووه‌، كه‌ "پشتیوانی له‌ چالاكییه‌ تیرۆرستییه‌كانی حزبوڵڵا" ده‌كه‌ن و ئاماژه‌ی به‌وه‌ داوه‌، "ئه‌وان سه‌رپه‌رشتی پرۆسه‌ی گواستنه‌وه‌ی پاره‌ له‌ سوپای پاسدارانی ئێرانه‌وه‌ بۆ حزبوڵڵا و داهاتی نه‌وت به‌ نهێنی بۆ فه‌یله‌قی قودسی سوپای پاسداران و چه‌ند كارێكی دیكه‌ی دارایی ده‌كه‌ن".

 

ئه‌مه‌ دوای ته‌نیا یه‌ك رۆژ له‌ به‌یاننامه‌كه‌ی وه‌زاره‌تی گه‌نجینه‌ی ئه‌مه‌ریكا دێت، كه‌ تێیدا سه‌پاندنی سزای به‌سه‌ر ژماره‌یه‌ك ئه‌ندامی ئه‌نجوومه‌نی ناوه‌ندی "حزبوڵڵا" و 3 قه‌واره‌ی دیكه‌ی ئێرانی راگه‌یاند، وێڕای سه‌پاندنی سزا به‌سه‌ر ئیره‌ج مه‌سجدی، باڵیۆزی ئێران له‌ به‌غدا.

پێنج لایه‌نی سوننه‌ی عێراق به‌ره‌یه‌كی نوێی سیاسییان له‌ناو ئه‌نجوومه‌نی نوێنه‌ران پێكهنا

پێنج لایه‌نی سوننه‌ له‌ عێراق به‌مه‌به‌ستی یه‌كخستنی هه‌ڵوێسته‌كانیان، به‌ره‌یه‌كی نوێی سیاسییان له‌ناو ئه‌نجوومه‌نی نوێنه‌رانی عێراق پێكهێنا كه‌ 35 ئه‌ندام له‌خۆده‌گرێت.

ئوسامه‌ نوجێفی، سه‌رۆكی به‌ره‌ی رزگاركردن و گه‌شه‌پێدان، له‌ كۆنگره‌یه‌كی رۆژنامه‌وانییدا رایگه‌یاند كه‌ ژماره‌یه‌ك له‌ هێزه‌ سیاسیه‌كانی سوننه‌ كۆبوونه‌ته‌وه‌ و له‌ میانیدا ره‌وشی سیاسی، ئه‌منی، ئابووریی، كۆمه‌ڵایه‌تیی و ته‌ندروستییان له‌ عێراق تاوتوێكردووه‌.

ئوسامه‌ نوجێفی باسی له‌وه‌شكرد كه‌ هه‌ر له‌ كۆبوونه‌وه‌كه‌دا، سه‌باره‌ت به‌و ته‌حه‌دییاتانه‌ی كه‌ به‌ره‌وڕووی عێراق بوونه‌ته‌وه‌ گفتوگۆكراوه‌ و گوتی35: ئه‌ندام كه‌ نوێنه‌رایه‌تی (به‌ره‌ی رزگاركردن و گه‌شه‌پێدان)، (فراكسیۆنی جه‌ماهیر)، (پڕۆژه‌ی عه‌ره‌بی)، (فراكسیۆمی حزبی ئیسلامی و (فراكسیۆنی عێراقییه‌ی سه‌ربه‌خۆ) ده‌كه‌ن له‌ له‌سه‌ر پێكهێنانی به‌ره‌یه‌كی نوێی سیاسی له‌ناو ئه‌نجوومه‌نی نوێنه‌ران پێكهاتوون بۆ ئه‌وه‌ی هاوكاریی یه‌كتر بكه‌ن له‌ به‌دیهێنانی دادوپه‌روه‌ریی بۆ هاووڵاتییانمان و ئه‌ندامانی سه‌رجه‌م ئه‌و پێنج هێزه‌، سوننه‌ن.

گوتیشی: به‌شداربووانی كۆبوونه‌وه‌كه‌ جه‌ختیان كردووه‌ته‌وه‌ له‌سه‌ر ئه‌وه‌ی كه‌ له‌رێگای ئه‌م به‌ره‌ نوێیه‌ سیاسییه‌وه‌، هه‌وڵه‌كانیان یه‌كده‌خه‌ن به‌ ئامانجی چاندنی متمانه‌ و هیوا به‌ ئاینده‌ و هه‌روه‌ها چاره‌سه‌ركردنی قه‌یرانه‌كان له‌ عێراق.

ئێران سزای بەسەر باڵیۆزی ئەمریکادا سەپاند

 

وەزارەتی دەرەوەی ئێران رایگەیاند، وڵاتەکەی سزای بەسەر باڵیۆزی ئەمریکا لە عێراق و جێگرەکەی، ھەروەھا کونسوڵی ئەمریکا لە ھەولێر سەپاند.

به‌گوێره‌ی ئاژانسی میهری ئێرانی، سەعید خەتیب زادە وتەبێژی وەزارەتی دەرەوەی ئێران رایگه‌یاندووه‌: لەوەڵامی سەپاندنی سزاكان بەسەر پێنج دامەزراوەی ئێران لە لایەن ئەمریکاوە، ئەمڕۆ تاران سزای بە سەر باڵیۆزی ئەمریکا لەعێراق و دوو بەرپرسی دیکەی ئەمریکادا سەپاندووە.

وتەبێژی وەزارەتی دەرەوەی ئێران رایگەیاندوە: ماتسیو توێڵەر باڵیۆزی ئەمریکا لەعێراق خراوەتە لیستی سزادراوانەوە لەبەرئەوەی رۆڵی هەبوە لە "تیرۆرکردنی قاسم سولەیمانی" فەرماندەی پێشووی فەیلەقی قودسی سوپای پاسداران.

خەتیب زادە لەپێگەی تایبەتی خۆی لەتۆڕی کۆمەڵایەتی تویتەر نووسیویەتی: سزادراوانی ئەمریکا دوو بەرپرسی دیکەیان لەگەڵدایە کە یەکێکیان کونسوڵی گشتی ئەمریکایە لەهەولێر.

 

 

 

بيستون