وێنەی ژنەکەی بەغدادی بڵاوکرایەوە

وێنەی ژنە دەستگیرکراوەکەی ئەبوبەکر بەغدادی، خەلیفەی پێشووی داعش لەلایەن تورکیاوە بڵاوکرایەوە.

ئەمڕۆ، وێنەی ئەسما فەوزی محەمەد کوبەیسی، ژنی ئەبوبەکر بەغدادی  بڵاوکرایەوە و بەپێی میدیاکانی تورکیا، لە کاتی دەستگیرکردنیدا خۆی بە ناوی رانیە مەحمود ناساندووە.

بڵاوکردنەوەی وێنەی ژنەکەی بەغدادی لەکاتێکدایە، دوێنێ، رەجەب تەییب ئەردۆغان، سەرۆک کۆماری تورکیا، لە وتارێکیدا لە زانکۆی ئەنقەرە، رایگەیاند، "جگە لە خوشکەکەی و هاوسەری خوشکەکەی بەغدادی، بۆ یەکەمجار ڕایدەگەیەنم کە تورکیا هاوسەرەکەی بەغدادی-شی دەستگیرکردووە".

بەرەبەیانی رژی ٢٧ مانگی رابردوو، ئەبوبەکر بەغدادی، خەلیفەی پێشووی داعش، لە ئۆپراسیۆنێکدا بۆ کوشتنی، خۆی تەقاندەوە.

 

 

ز.س

Hits: 83
Category: