فەرمانی دەستگیرکردن بۆ سەرۆکی زانکۆی کەرکوک و وەزیری خوێندنی باڵا دەركرا

 

لەسەر دۆسیەیەکی زانکۆی کەرکوک، دەستەی نەزاهە فەرمانی بانگ کردن بۆ بەردەم دادگا بۆ هەریەکە لە سەرۆکی پێشوی زانکۆی کەرکوک و وەزیری پێشوتری خوێندنی باڵا دەردەکات.

ئەمڕۆ پێنجشەممە، فەرمانگەی لێکۆڵینەوەی دەستەی نەزاهەی عێراق بڵاوی کردەوە؛ دادگای لێکۆڵینەوەی تایبەت بە دۆسییەکانی دەستپاکی لە کەرکوک، فەرمانی بانگکردنی بۆ بەردەم دادگا، بۆ هەریەک لە وەزیری خوێندنی باڵا و توێژینەوەی زانستی پێشوتری عێراق و سەرۆکی پێشوی زانکۆی کەرکوک دەرکردوە، لەسەر دۆسیەی گرێبەستی پڕۆژەیەکی تایبەت بە زانکۆی کەرکوک.

دەستەی نەزاهە ئاماژەی بەوەکردوە؛ فەرمانەکە بەپێی مادەی (340)ی یاسای سزادانی عێراقیی دەرکراوە و دۆسیەکە رەوانەی دادگای تایبەتمەند کردوە.

لەماوەی رابردودا دەستەی نەزاهە هەڵمەتێکی گەورەی بۆ دەستگیرکردن و بانگهێشترکردنە بەردەم دادگای بۆ چەندین بەرپرسی عێراق لە وەزیری و بریکاری وەزیر و پەرلەمانتار و بەڕێوەبەری گشتی و سەرۆک و ئەندامانی ئەنجومەنی پارێزگاکان و بەڕێوەبەری فەرمانگەکان دەرکردوە، خۆپیشاندانەکانی ئەم دوایەی عێراقیش کاریگەریی لەسەر جوڵاندنی چەندین دۆسیەی گەندەڵی لە دەستەی نەزاهە دروست کردوە.

 

ز.س

Hits: 40
Category: