دۆناڵد ترەمپ : باری نائاسایی بۆ ماوەی (14) رۆژ لەواشنتۆن رادەگەیەنێت

میدیاکانی ئەمەریکا بڵاویانکردەوە، دۆناڵد ترەمپ رەزامەندی پیشانداوە بۆ راگەیاندنی باری نائاسایی لە واشنتۆن لە ئەمرۆە تاکو (24)ی ئەم مانگە.

 

سەبارەت بە هۆکاری راگەیاندنی باری نائاسایی لە واشنتۆن، ئاژانسی هەواڵی رۆیتەرز بڵاوی کردەوە، نوسینگەی لێکۆڵینەوەی فیدراڵی ئەمەریکا (ئێف، بی، ئای) زانیاری پێگەیشتوە لەبارەی پلانێک بۆ ئەنجامدانی خۆپیشاندان و توندوتیژی لەبەردەم باڵەخانە حکومیەکان لە سەرجەم ویلایەتەکانی ئەمەریکا، لەسەر بنەمای ئەو زانیاریانە بڕیاری باری نائاسایی لە واشنتۆن دراوە.

هاوکات میدیاکانی ئەمەریکا بڵاویانکردەوە، ئەو زانیاریانەی بە نوسینگەی لێکۆڵینەوەی فیدراڵی ئەمەریکا گەیشتوە باس لەوە دەکەن کە لە رۆژی (16)ی ئەم مانگەوە و لەگەڵ نزیک بونەوەی وادەی دەست بەکاربوونی جۆبایدن وەک سەرۆکی نوێی ئەمەریکا، خۆپیشاندان لەبەردەم باڵەخانەی کۆنگرێس دەست پێدەکات.

 

 

Bestun

Hits: 17
Category: