چۆن بتوانین قژمان لە هەڵوەرین بپارێزین

زۆربەمان لە قۆناغێكی ژیانماندا، گرفتی هەڵوەرینی قژمان هەیە، بەڵام ڤیتامینێك هەیە ئەگەر ڕۆژانە بخورێت، ڕۆڵێكی گرنگ لە گەشە و بەهێزكردنی قژدا دەبینێت.

زینك یارمەتی پتەوكردن و گەشەكردنی قژ دەدات، هەروەها یارمەتی مانەوەی ڕژێنە زەیتییەكانی دەوری كونی لەش دەدات و دەیپارێزێت.

كاتێك كەسێك گرفتی هەڵوەرینی قژی هەیە، مانای ئەوەیە لە ژەمە خۆراكەكانیدا مادەی زینك بەپێی پێویست ئامادە نییە.

تاقیگەكانی Collective Laboraties دەڵێن: مادەی زینك بۆ هەموو بەشەكانی جەستە پێویستە، هەروەها دەبێتە هۆی بەهێزكردنی قژ.

هەروەها دەڵێن: زینك بە مادەی دژە هەوكردن دەوڵەمەندە، دابەشبوونی خانەكانی لەش دەپارێزێت، هاوكات پارێزگاری لە خانەكانی كاسەسەر دەكات و بەهێزتریان دەكات.

ئەو خواردنانەی بە ماوەی زینك دەوڵەمەندن بریتین لە: بەرهەمی دانەوێڵە بە گشتی، بەرهەمە شیرییەكان، گوێچكە ماسی، گۆشتی سور، فاسۆلیا، نۆك، ناوكە كولەكە و بادەم

دامەزراوەی تەندروستی نیشتمانی لەبەریتانیا ئاشكرایان كرد: پێویستە ڕۆژانە پیاوان 9.5 میلی گرام و ژنان 7 میلی گرام زینك بخۆن

هەروەها دامەزراوەكە رایگەیاند، خواردنی زیاتر لە 25 میلی گرام زینك زیانبەخشەو نابێت بەبێ ڕەچەتەی پزیشك لەو ڕێژەیە زیاتر بخورێت.

زینك: كانزایەكی سەرەكی لەشە، كە لەش ناتوانێت خۆی دروستی بكات یان هەڵیبگرێت، لەبەرئەوە پێویستە بە بەردەوامی لەڕێگەی خۆراكەوە وەریبگرین.

ك-س

ناسا هەڵدانی گالیسكە ئاسمانییەكەی بۆ سەر هەسارەی مەریخ دوادەخات

ئیدارەی نیشتمانی بۆ كەشتیوانی ئاسمانی و بۆشایی گەردوون لەئەمەریكا (ناسا) رایگەیاند، هەڵدانی گالیسكەی بۆشایی ئاسمانی گەڕۆكی "پێرسێڤرانس"یان بۆ ٢٠ی تەمووزی داهاتوو دواخستووە.

ناسا لەبەشێكی بەیاننامەكەیدا رایگەیاند، هەڵدانی گالیسكە ئاسمانییەكە، كە وابڕیار بوو لە ١٧ی تەمووز هەڵبدرێت بەهۆی پێویستی كاتی زیاتر بۆ چارەسەركردنی ناتەواوییەك لە سیستەمەكانیدا بۆ ٢٠ی تەمووزی هەمان مانگ دواخراوە.

بەیاننامەكە ئاماژەی بۆ ئەوە كردووە، كە گالیسكەكە لە ناوەندی گەردوونی كیپ كاناڤیراڵ لە فلۆریدا لەڕێگای موشەكی " ئەتڵەس 5 " ەوە هەڵدەدرێت.

ناسا مەبەستییەتی لەڕێگای ناردنی گالیسكەیەكی ئاسمانی بۆ سەر مەریخ لێكۆڵینەوە لەسەر ڕووی ئەو هەسارەیە بكات، بەجۆرێك گالیسكەكە ٢٣ كامێرای وێنەگرتن و دوو ئامێری مایكرۆفۆن و هێلیكۆپتەرێكی دیدەوانی، كە لەدوورەوە كۆنترۆڵ دەكرێت، رەوانەی هەسارەی سوور دەكات .

ك-س

دوبەی جارێكی تر ناوی دەچێتە كتێبی گینسەوە

كۆمپانیایەكی چینی دەستیكرد بە بەنیادنانی بورجی "سیل "لە شاری دوبەی، كە لەكاتی تەواوبوونیدا دەبێت بە بەرزترین هۆتێل لە جیهاندا .

بورجەكە، كە لەلایەن كۆمپانیای ئەندازیاری هێڵی شەمەندەفەری چینییەوە بنیاد دەنرێت و دیزاینەكەی لەلایەن كۆمپانیای تەلارسازی "نوور"ەوە كراوە، كە بارەگاكەی لەشاری لەندەنی پایتەختی بەریتانیایە.

هۆتێلەكە دەكەوێتە ناوچەی مارینای نوێ لە دوبەی لەسەر رووبەری 101600 مەتر چوارگۆشە و بەرزاییەكەشی 368.6 مەتر دەبێت و لە 82 نهۆم پێكدێت، بەوەش دەبێت بە بەرزترین هۆتێل لە جیهاندا.

بەرپرسی پرۆژەكە وتی: كۆمپانیا چینییەكە ماددەی نوێ تەكنەلۆژیای چینی پێشكەوتوو لە پرۆسەی بنیادنان و پاراستنی ژینگە و دەستەبەركردنی وزە و سنووردانان بۆ پاشەڕۆكان بەكاردەهێنێت.

ك-س

هەیفا وەهبی هەڕەشە لە فرۆكەوانێكی عێراقی دەكات

هەیفا وەهبی هونەرمەندی ناسراوی لوبنانی وتی: بەكارهێنانی كچێكی هاوشێوەی ئەو لەلایەن فرۆكەوانێكی عێراقییەوە بەمەبەستی ریكلام و خۆناساندن ئەوی تووشی شۆك كردووە .

بەگوێرەی بەیاننامەیەك، كە دەست رۆژنامەی رۆژنامەی "یەوم ئەلسابیع"ی میسری كەوتووە، فرۆكەوانە عێراقییەكە ناوی فەرید لەفتەیە و بەفرۆكەیەكی تایبەتی لەجۆری "ئی ٢٢" و بەهاوڕێیەتی هەیفا وەهبی لەفِرۆكەخانەی یانەی جەزیرە لە ڕەئس ئەلخەیمەوە بەمەبەستی سەرگەرمی و كاتبەسەربردن گەشتێكی ئاسمانیان بەسەر ئاسمانی ئیمارات ئەنجامداوە.

لای خۆیەوە هەیفا وەهبی سەرسووڕمانی خۆی دەربڕیوە بەوەی بێپرس و راوێژ ناوی ئەویان بۆ كارێكی لەوجۆرە بەكارهێناوە و سوودیان لە هاوشێوەی ئەو وەرگرتووە.

لەبارەی كچە هاوشێوەیەكەیەوە هەیفا بە رۆژنامە میسرییەكەی راگەیاندووە، ئەوە شكڵ و شێوەی من نییە و هیچیشی لەبارەوە نازانم، من نەكورتم نە رەنگ ئەسمەر، تەنیا بەسەیركردنی وێنەكە هەوادارانم جیاوازی نێوان من و ئەو دەزانن.

ئەو هونەرمەندە لوبنانییە هەڕەشەی ئەوەی كردووە، كە هەركەسێك لەڕێگای وێنەی دەستكاریكراوەوە ناوی ئەو بەكاربهێنێت ئەوە نەك هەر دەستبەجێ داوای یاسایی لەسەر تۆمار دەكات، بەڵكو داوای قەرەبووی ماددی و مەعنەوی لەسەر ئەو رەفتارە نابەجێ و تەنانەت تاوانكارییەش دەكات .

ك-س

ساڵانە 420 هەزار کەس بەهۆی خواردنی بەسەرچوو دەمرن

ئەمڕۆ 7ی حوزەیران رۆژی جیهانی سەلامەتیی خۆراکە، تەندروستیی جیهانی لە 2019ەوە ئەم رۆژەی بۆ ئەم بۆنەیە تەرخانکردووە تاوەکو هۆشیاری سەلامەتی لەبارەی خواردن بڵاوبکاتەوە.

رێکخراوی تەندروستیی جیهانی دەیەوێت بە ئامارێکی مەترسیدار سەرنجی هەموو لایەک بۆخۆی راکێشێت و دەڵێت ساڵانە 420 هەزار کەس بەهۆی خواردنی بەسەرچووەوە دەمرن.

دکتۆر فرانسیسکۆ برانکا، بەڕێوەبەری بەشی سەلامەتی خۆراک لە رێکخراوی تەندروستیی جیهانی دەڵێت: "خواردنی سەلامەت بابەتێکی تەندروستی گشتی بنەڕەتییە، دەزانی ساڵانە لە هەر 10 کەسدا یەکێکیان بەهۆی خواردنی بەسەرچوو نەخۆش دەکەوێت، 420 هەزار کەس بەهۆی خواردنی بەسەرچوو دەمرن، کە 125 هەزاریان منداڵن و تەمەنیان لە خوارووی 5 ساڵان دایە.

رێکخراوی تەندروستیی جیهانی دەیەوێت لەو رۆژەدا هانی هەموو لایەک بدات، خۆیان لە مەترسییەکانی خواردنی بەسەرچوو بپارێزێن. ئەوانەی بەرهەمی دەهێنن، دەیگوازنەوە، دەیفرۆشن، ئامادەی دەکەن یا ئەوانەی دابەشی دەکەن لەگەڵ ئەوانەشی کە بەکاری دەهێنن.

لەترسی پەتای کۆرۆناوە تەندروستیی جیهانی کارەکانی لە رێگەی ئۆنلاینەوە لە خزمەت رۆژی جیهانی سەلامەتی خۆراخ تەرخاندەکات.

"سەلامەتی خۆراک ئەرکی هەموو لایەکە" ئەمە دروشمی دروشمی ئەمساڵی رێکخراوی تەندروستیی جیهانییە بۆ رۆژی جیهانی سەلامەتی خۆراک.

دکتۆر فرانسیسکۆ برانکا، دەڵێت: "لە ماڵەکانتان ئەو شوێنانە پاکبکەنەوە کە خواردنی سەلامەتی تێدا هەڵدەگرن، خواردنی کوڵاو لە خواردنی خاو جیا بکەنەوە. خواردنەکەت بە ئەندازەی خۆی لێنێ، خۆراک لە کەشوهەوای گونجاو هەڵگرە، ئاو و کەرەستەی پاکیش بەکاربێنە. بەمشێوەیە دەتوانی خواردنەکەت بە سەلامەتی بهێڵییەوە، پارێزگاریش لە خانەوادە و خەڵکەکەت بکەی."

خۆراک یان کەلوپەلی خۆراکی ناتەندروست هۆکارە بۆ زیاتر لە 200 نەخۆشی، لەوانەش سكچوون و شێرپەنجە.

بڵاوبوونەوەی ڤایرۆسی کۆرۆنا ئەو کێشەیەی بۆ بازرگانیی نێوان شارەکان و وڵاتان دروستیکردووە تەنیا کاریگەری لەسەر زنجیرەی دابینکردن دانەناوە، بەڵکو مەترسی ئەوەشی هێناوەتە ئاراوە کە وەک پێویست چاودێریی جێبەجێکردنی رێکارە تەندروستییەکانی گواستنەوەی کەلوپەلە خۆراکییەکان نەکرێت.

k-s