سامسۆنگ ته‌لەڤزیۆنی بێتەل دروست دەکا

كۆمپانیای سامسۆنگی كۆریا باشوور، هه‌وڵ دەدا له ‌داهاتوودا ته‌له‌ڤزیۆنی بێتەل بەرهەم بێنێ، ئه‌مه‌ش به‌ دۆزینه‌وه‌ی ته‌كنه‌لۆژیایه‌كی نوێ ده‌بێ كه‌ ئه‌م كاره‌ جێبه‌جێ بكات.سامسۆنگ توانیویه‌تی ئه‌م ئامانجه‌ بپێكێ و نزیك ببێته‌وه‌ له‌ به‌كرداریكردنی ئه‌م هه‌وڵه‌ی. ئه‌ویش به‌ پێشكه‌شكردنی داهێنانێكی نوێ سه‌باره‌ت به‌م بواره‌ كه‌ له‌ پێگه‌ی LetsGoDgital دا ئاماژه‌ی پێ كراوه‌، سیستمێك به‌شێوه‌یه‌ك ئه‌م كاره‌ جێبه‌جێ ده‌كات كه‌ ناردن و وه‌رگرتنی تیشكی كارۆموگناتیسی ئاڵوگۆڕی له‌نێوان ئامێره‌كان و ڕووه‌كان پێده‌كرێت، ئه‌م سه‌رچاوه‌ تیشكییه‌ جێگیره‌ ده‌بێته‌ سه‌رچاوه‌ی گه‌یاندنی وزه‌ له‌ بنكه‌ سه‌ره‌كییه‌كه‌وه‌ بۆ ئامێری مه‌به‌ست، واتە ته‌له‌ڤزیۆنه‌كه‌ وزه‌ی به‌رده‌وام لەو بنكه‌ و سه‌رچاوه‌ وه‌رده‌گرێ و وه‌ك سه‌رچاوه‌ی كاركردنی هه‌میشه‌یی پشتی پێ ده‌به‌ستێ.

 

به‌ جێبه‌جێبوونی ئه‌م بیرۆكه‌ و پاكیی داهێنانه‌ له ‌داهاتوودا، جیهان دەبێته‌ خاوه‌نی ته‌له‌ڤزیۆنێك كه‌ به‌ده‌ر بێ له‌ هه‌موو جۆره‌ تێل و وایەر و كێبڵێك، له‌دوای دروستكردنی ئه‌م ئامێره‌ بابه‌تێكی تری جیاواز دێته‌ پێشه‌وه‌ ئه‌ویش ئه‌و ئامێر و ده‌زگا و وه‌رگرانه‌ی بە وایەر به‌ ته‌لەڤزیۆنه‌كانه‌وه‌ ده‌به‌سترێنه‌وه‌، ئه‌مه‌ش جێگای هه‌ڵوه‌سته‌ له‌سه‌ركردنه‌، بۆ ئەمەش ده‌كرێت هه‌مان كار بۆ ئه‌و ئامێر و ده‌زگایانه‌ش بكرێت كه‌ بۆ ته‌له‌ڤزیۆنه‌كه‌ ده‌كرێت، بۆ ئه‌وه‌ی ئه‌م داهێنانه‌ مه‌به‌ستی خۆی به‌ته‌واوی بپێكێ.

 

ئه‌م بیرۆكه‌یه‌ یارمه‌تیده‌ر ده‌بێ بۆ چاره‌سه‌ركردنی كاركردن له‌گه‌ڵ ئه‌و جه‌نجاڵییه‌ی ئه‌و هه‌موو كێبڵ و وایه‌رانه‌ دروستیان كردووه‌. بنكه‌ سه‌ره‌كییه‌كه‌ی وزه‌ ده‌توانرێت به‌كار بهێنرێت بۆ بارگاویكردنه‌وه‌ی ئامێره‌ هۆشمه‌نده‌ ته‌كنه‌لۆژییه‌كانی تری وه‌ك مۆبایلی هۆشمه‌ند و ئامێره‌ تابلێتییه‌كان، ئه‌مه‌ش وا ده‌كات زیاتر له‌ مه‌به‌ستێك و به‌كارهێنانێكی هه‌بێ.

 

ب - ل

پشکنینێکی خوێن شێرپەنجەی مێشک دەستنیشاندەکات

پزیشکانی گلاسگۆ پشکنینێکی نوێ بۆ دەستنیشانکردنی گرێیە شێرپەنجەییەکانی مێشک رادەگەیێنن.

لە توێژینەوەیەکدا تیمێکی پزیشکانی بەریتانی، پشکنینێکی نوێیان بۆ دەستنیشانکردنی شێرپەنجەی مێشک پێشنیازکردووە و دەڵێن، لە رێگەیەوە دەتوانرێت حاڵەتە سەرسەختەکانی شێرپەنجەی مێشک دەستنیشانبکەن.

د. پاول برێندمەن، پسپۆڕی نەشتەرگەری مێشک و دەمار و سەرپەرشتیاری توێژینەوەکە لە زانکۆی ئیدنبەرە دەڵێت، دەستنیشانکردنی شێرپەنجەی مێشک زەحمەتە، چونکە زۆربەی نیشانەکانی تایبەتمەند نین و زۆرجار لەلایەن نەخۆشەوە پشتگوێدەخرێن.

پسپۆڕەکەی مێشک و دەمار روونیدەکاتەوە، درەنگ دەستنیشانکردنی شێرپەنجەکە پرۆسەی چارەسەرکردنەکەشی زەحمەتدەکات بۆیە دەیانەوێت لە رێگەی ئەم پشکنینەی خوێن، شێرپەنجەکە لە قۆناخە بەراییەکاندا دەستنیشانبکەن.

پزیشکە بەریتانییەکان تەکنیکێکی تایبەت بەکاردەهێنن کە ناسراوە بە (ATR-FTIR) ئاسان و سادەیە، تێیدا پێکهاتە کیمیاییەکانی خوێن دەپشکێنرێن و تاوەکو ئێستا لەسەر 724 کەس تاقیکراوەتەوە.

پزیشکانی توێژەر دەڵێن، وردی و دروستی پشکنینەکە لەنێوان %83-87ە

ك-س

كەم خەوی دبێتە هۆی زیاد بونی كێش

توێژینەوەیەکی پزیشکی نوێ دەریخستوە کەئەو کچانەی لەتەمەنی ھەرزەکاریدا بۆ چەند كاتژمێرێكی زۆر دەمێننەوە لەشەودا، خۆیان توشی مەترسی زیادبونی کێش و ئەگەری توشبون بەنەخۆشیەکانی دڵ و مولولەکانی خوێن دەبنەوە.
توێژەرانی نەخۆشخانەی ماساچۆستس لەبۆستن ئاشكرایان كردوه‌: رەنگە کاریگەری زیاتر ھەبێ لەسەر تەندروستی کچان لەگەڵ بەرزبونەوەی مەترسیەکانی نەخۆشیەکانی دڵ و مولولەکانی خوێن، وەک شەکرە و نەخۆشی دڵ.
لەوبارەیەوە دکتۆر ئەلسی تافیراس مامۆستای زانکۆکە رایگەیاندوە ئەو کچانەی پێیان باشترە زوو بخەون و بەیانی زوو ھەڵبسن ئەمانە باری تەندروستیان باشترە.
ئەو کەسانەش کەتەواو ناخەون توشی قەڵەوی و لاوازی تەندروستی دڵ دەبن.

ك-س

هونەرمەندێکی کورد کۆنسێرتەکەی لە ئیستەنبول هەڵوەشاندەوە

ئاوازدانەر و مۆسیقاژەنی کوردی ڕۆژهەڵاتی کوردستان کەیهان کەلهور، لەسەر بەردەوامی هێرشی تورکیا بۆسەر ڕۆژئاوا کۆنسێرتەکەی لە ئیستەنبول هەڵوەشانەوە و ڕایگەیاند، جەنگێکی قورس ڕووبەڕوی ئێمەی کورد بۆتەوە.

کەیهان کەلهور لەسەر هەڵوەشاندنەوەی کۆسێرتەکەی دەڵێت "ئەمڕۆژانە ڕۆژی سەختە بۆکورد هێرشێکی گەورە لەسەر گەلی ئێمەیە و دڵنیاین لە ئەگەری بەردەوامیدا منداڵانی زیاتر دەکوژرێن و ئاوارە دەبن".

کەیهان وتوشیەتی "بڕیاربوو من بەم نزیکانە لە ئیستەنبول کۆنسێرت بکەم، بەڵام کە دەبینم برا و خوشکەکانم بەم شێوەیە لەژێر ئاگردان، ناتوانم ئەوەبکەم و هەڵیدەوەشێنمەوە".

هەڵوێستەکەی کەیهان لەکاتێکدایە، هاوڵاتیان پێیان وایە هونەرمەند و سینەماکار و نوسەرەکان پێویستە لەم دۆخەدا هەڵوێستی جدیان لەبەرامبەر هێرشەکانی تورکیادا هەبێت

ب - ل

باشترین خۆراك بۆ كه‌م بوونه‌وه‌ى چه‌وورى له‌ش

زۆرێك له‌ ئێمه‌ ڕۆژانه‌ دووچارى ماندوێتى و شه‌كه‌تى و ئازارى گه‌ده‌ و زیاتر زیاد بوونى كێشى له‌شمان ده‌بینه‌وه‌ ، ئه‌مه‌ش پێویستى به‌خواردن و خواردنه‌وه‌ى ته‌ندروستى هه‌یه‌ بۆ ڕزگار بونت له‌و كێشانه‌ .

شۆڤان : شۆڤان زۆر بخۆن ، چونكه‌ كێش داده‌به‌زێنێت و ده‌ست ده‌گرێت به‌سه‌ر كۆلیسترۆڵدا .
كه‌ره‌ووز: باشترین سه‌ووزه‌واته‌ ، چونكه‌ یارمه‌تى له‌ش ده‌دات بۆ ئه‌وه‌ى بتوانى به‌شێوه‌یه‌كى ته‌ندروست میز بكه‌یت .
زه‌نجه‌بیل: توانایه‌كى باشى هه‌یه‌ بۆ كه‌م كردنه‌وه‌ى كێشى له‌ش و له‌ش له‌ ژه‌هراوى بوون پاك ده‌كاته‌وه‌ .
سركه‌ى سێوو : یارمه‌تى میز كردنت ده‌دات و له‌ش له‌هه‌موو جۆره‌ به‌كتریا و مادده‌یه‌كى زیان به‌خش پاك ده‌كاته‌وه‌ .
جه‌رجیر : باشترین سه‌ووزه‌یه‌ بۆ پاك كردنه‌وه‌ى گورچیله‌ و جگه‌ر و چه‌وورى له‌ش ده‌توێنیته‌وه‌ .

ب - ل