دیارترین نیشانەکانی کۆرۆنای گۆڕاو لەسەر منداڵان

ماڵپەڕی ئیکسپرێس دیاترین ئەو نیشانانەی بڵاوکردووەتەوە، کە بەهۆی کۆرۆنای گۆڕاوەوە لەسەر تەندروستی منداڵان دەرکەوێت.

لە ماوەی چەند ڕۆژی ڕابردوودا دوای ئاشکرابوونی ڤایرۆسی کۆرۆنای گۆڕا و لە عێراق و هەرێمی کوردستانیش، دەرکەوت کە ئەم جۆرە نوێیەی کۆرۆنا توانای ئەوەی هەیە منداڵانیش تووشی پەتاکە بکات.

بە گوێرەی ماڵپەڕی ئێسکپرێس دیارترین ئەو نیشانانەی کە لە منداڵانی تووشبوو بە ڤایرۆسەکە دەردەکەوێت بریتین لە: کۆکە ، بوونی تەڕی لووت و دەردراوەکان، سووتانەوەی قورگ، سووربوونەوەی پێست، سەرئێشە، تێکچوونی گەندە، هێڵنجدان، سکچوون.

ماڵپەڕەکە داوای ئەوەی لە هاوڵاتیان کردووە، ڕێوشوێنی پێویستی خۆپارێزگای بگرنە بەر، بۆ ئەوەی خۆیان منداڵەکانیان بە دووربوون لە تووشبوون بە ڤایرۆسی کۆرۆنای گۆڕاو.

داواشی کردووە هەر کاتێک هەستان بەو نیشانانە کرد لە خۆتان و منداڵەکانتاندا، ڕاستەوخۆ سەردانی نەخۆشخانە و ڕاوێژ بە پزیشک بکەن، بۆ ئەوەی کاریگەریی و نیشانەکانی بەسووکی دەربکەون.

 

 

 

 

بيستون ....

شەرم ناکەن؟

           هەمزە گوڵانی

ئەو ئاگرە بکوژێننەوە

سووتان لەبەر دەرگا ڕاوەستاوە.

ئاگرێک؛

گوێ لەقسەی زبر ناگرێ

بەهەڕەشە خامۆش نابێت

پشو ئەدا،

بەڵام

کەبەدەنگیەوە نەچووی

سەرلەنوێ دادەگیرسێتەوە

گەرمتر لەجاری پێشوو

گڵپە دەستێنێ.

بەگوێرەی کەش و هەوا

نزمە پاڵە پەستۆیەک

بەڕێوەیە

لەشارەکانی کوردستان

ئاگر دەبارێ.

هەمووشتێک بووە بەئاگر

  برسیەتیش ئاگرە

دڵەکان جۆشیان سەندووە

سەفەری ئاگر دەکەن

فریا کەون

مردن خەریکە

بەمنارەی چۆڵیدا هەڵبگەڕێ

مزگەوتی  "کاک ئەحمەدی شیخ " یش

لەمەترسیدایە.

چیتر زەرد بیر مەکەنەوە

چیتر سەوز مەڕوانن

چیتر نیلی و نارنجی و

ئیخوانی مەخوێنن.

داگیر کەران

لەسەر کەوڵتان ڕێک و تەبان

سەنگەری جیاوازو

بڕیاری جیاوازیان نییە

ئەدی ئێوە شەرم ناکەن؟

من قەڵەمێکی دووگیانم

بەخەمی کوردستان

تکایە کەمێک ،

گوێ لەژانەکانم ڕاگرن!

ساڵی ڕابردوو داهاتی تویتەر چەند بووە ؟

داهاتی تۆڕی كۆمەڵایەتیی تویتەر لە ٢٠٢٠ بە بەراورد بە ساڵێك پێشتر 7% زیادیكردووە و گەیشتووەتە سێ ملیار و ٧٢٠ ملیۆن دۆلار.

 

كۆمپانیای تویتەر لەبارەی چارەكی چوارەمی ٢٠٢٠ ڕاپۆرتێكی بڵاوكردەوە و بەپێی ڕاپۆرتەكە ئەو داهات‌ەی كە كۆمپانیاكە لە چارەكی كۆتایی ساڵی ڕابردوو بە دەستی هێناوە بە بەراورد بە هەمان قۆناغی ساڵێك پێشتر 28% زیادیكردووە و گەیشتووەتە یەك ملیار و ٢٩٠ ملیۆن دۆلار. كۆمپانیاكە لە چارەكی چوارەمی ٢٠١٩ داهاتەكەی یەك ملیۆن دۆلار بوو.

داهاتی تۆڕی كۆمەڵایەتیی تویتەر لە ٢٠٢٠ بە بەراورد بە ساڵێك پێشتر، 7% زیادیكردووە و گەیشتووەتە سێ ملیار و ٧٢٠ ملیۆن دۆلار. داهاتی تویتەر لە ٢٠١٩دا، سێ ملیار و ٤٥٠ ملیۆن دۆلار بووە.

قازانجی كۆمپانیاكە لە دوا چارەكی ٢٠٢٠ بە بەراورد بە هەمان قۆناغی ساڵێك پێشتر، 87% زیادیكردووە و گەیشتووەتە ٢٢٢ ملیۆن دۆلار. داهاتی تویتەر لە دوا چارەكی ٢٠١٩دا، ١١٨ ملیۆن و ٧٠٠ هەزار دۆلار بوو.

لە ساڵی ٢٠٢٠ تویتەر بە بەهای یەك ملیار و ١٤٠ ملیۆن دۆلار زیانی بەركەوتووە و لە ٢٠١٩دا بە بەهای یەك ملیۆن و ٤٧ هەزار زیانی بەركەوتبوو.
لە لایەكی ترەوە، ژمارەی بەكارهێنەرە چالاكەكانی تویتەر لە دوا چارەكی ساڵی ڕابردوو بە بەراورد بە هەمان قۆناغی ساڵێك پێشتر، 27% زیادیكردووە و گەیشتووەتە ١٩٢ ملیۆن كەس.

مانگه‌ ده‌ستكرده‌كه‌ی ئیمارات یه‌كه‌م وێنه‌ی له‌ مه‌ریخه‌وه‌ ره‌وانه‌كرد

مانگی ده‌ستكردی ئه‌مه‌ل كه‌ له‌ لایه‌ن ئیماراته‌وه‌ گه‌یشتوه‌ته‌ خولگه‌ی مه‌ریخ یه‌كه‌م وێنه‌ی خۆی له‌و هه‌ساره‌یه‌وه‌ ره‌وانه‌ی زه‌وی كرد.

جه‌مسه‌ری باكوری مه‌ریخ له‌ لای چه‌پی وێنه‌كه‌دا ده‌بینرێت و چیای ئۆلیمپوس گه‌وره‌ترین گڕكانی كۆمه‌ڵه‌ی خۆر كه‌وتوه‌ته‌ شوێنی به‌یه‌كگه‌یشتنی شه‌و و رۆژ و له‌ ناوه‌ڕاستی وێنه‌كه‌دا ده‌بینرێت و له‌لای راستیشه‌وه‌ سێ گڕكانی تر به‌ ناوه‌كانی ئاسكریوس، پاڤونیس و ئاریسیا به‌دی ده‌كرێن له‌ لای راستی وێنه‌كه‌دا دۆڵی قوڵ و به‌ربڵاوی مارینه‌ر ده‌بینرێت.

مانگی ده‌ستكردنی ئه‌مه‌ل كه‌ حه‌وت مانگ به‌ر له‌ ئێستا و له‌ ژاپۆنه‌وه‌ هه‌ڵدرابوو، رۆژی سێ شه‌ممه‌ی رابردوو پاش بڕینی مه‌ودای 500 ملیۆن كیلۆمه‌تری گه‌یشته‌ خولگه‌ی مه‌ریخ و له‌ به‌رزایی 24 هه‌زار و 700 كیلۆمه‌تری ئه‌و هه‌ساره‌یه‌ جێگیركرا.

ئه‌ركی مانگه‌ ده‌ستكرده‌كه‌ی ئیمارات توێژینه‌وه‌یه‌ له‌سه‌ر كه‌شوهه‌وای مه‌ریخ و بڕیاره‌ وێنه‌ی زیاتر ره‌وانه‌ی ئه‌و زه‌وی بكات.

پێشتر ته‌نها ئه‌مریكا، هیندستان، ئه‌وروپا و روسیا پڕۆژه‌ی هاوشێوه‌یان به‌ سه‌ركه‌وتوویی ئه‌نجامدابوو.

 

z.s

 

ئومێد بابان/ عەلی ئەڵوەنی، لە تەعجیلەوە پیتەكان دەدوێنێت

بە ناونیشانی (پیتەكان دەدوێن)، لە ژێر چاودێریی (هێمن قادر) پارێزگاری هەولێر بە وەكالەت و بە هەماهەنگیی (كۆمسیۆنی باڵای بووژاندنەوەی قەڵای هەولێر)، پێشانگایەكی تایبەتی هونەرمەندی شێوەكار (عەلی ئەڵوەنی)، سێشەممە 9/2/2021، كاتژمێر 10 و نیوی بەیانی لە گەڕەكی تەعجیلی كۆن لە هەولێر دەكرێتەوە، كە رۆژی دواتریش، واتا 10/2/2021، لە هۆڵی (سەنتەری رۆشنبیریی قەڵای هەولێر) بەردەوام دەبێت.

تابلۆكان بریتین لە ۲۳ تابلۆی ڕەنگاوڕەنگ و لە نێوان پیت و ڕەنگەكاندا تێكەڵكێشییەكی هونەری كراوە، كە ئەم كارە هونەرییەش، وەكو كارێكی هونەریی تازە لە كوردستان هەژمار دەكرێت، چونكە لە ڕووی كەرەستە و تەكنیكەوە جیاوازە لەگەڵ تابلۆیەكی خۆشنووسی تەقلیدی، كە تەنها لەسەر كاغەز و بە مەرەكەب نووسرابێ، بەڵكو زۆربەی كارەكانی ئەم پێشانگایە كانفاس و فڵچەی وێنەكێشان و ڕەنگی پۆستەر و ڕوونی بەكار هێنراوە و مەبەست لە شوێنی نمایشی پێشانگاكەش، كە لە یەكێك لە گەڕەكە كۆنەكانی هەولێرە، یەكەمیان دەرچوونە لەو كارە تەقلیدییەی كە لە هۆڵەكان نمایش دەكرێت و دووەمیش نیشاندانە بە خەڵكی بیانی، كە هەولێر یەكێك لە شارە كۆنەكانی جیهانە.

ئەڵوەنی دەڵێ: "ئێمە هەوڵمان داوە كە ڕابردوو و داهاتوو بە یەكەوە ببەستینەوە لە كارەكانماندا و هەروەها پەیامێكیشە بۆ كاربەدەستانی شاری هەولێر، كە چیتر ئەم شوێنەوارە كوردیانە نەكرێنە گەراجی وەستانی ئۆتۆمبێل و جێگای زبڵ، بەڵكو بە خەڵكی بیانی پیشان بدرێت، كە مێژووی ئەم شوێنە چۆن بووە و چەند كەسایەتیی گەورە لەناویدا ژیاون".