پسپۆڕێک مەترسییەکانی بەستنی دەمامکی رەش ئاشکرا دەکات

خانمە پسپۆڕێکی رووسی بواری جوانکاری هۆشداری دەدات لە بەستنی دەمامکی رەش و پێیوایە گرفتێکی گەورە بۆ پێستی کەسەکە درووست دەکات.

ئیلینا مۆرۆزۆڤا پسپۆڕی جوانکاری رووسی دەڵێت: "دەمامکە رەنگدارەکان ئەوانەی لەماددەی دەستکرد درووستکراون، هەوکردن و هەستەوەری پێست درووستدەکەن".

ئەو خانمە پسپۆرە رووسییە هەروەک باسی له‌وشه‌كردووه‌: "خەڵکێکی زۆر دەبینم لە شەقامەکاندا دەمامکی رەش دەکەن کە رەنگێکیان تێدایە گرفت بۆ پێست درووست دەکەن، تەنانەت نەخۆشەکانیش گلەییان لەو دەمامکانە هەیە کە بۆنێکی کیمیایی نەخوازراویان لێدێت، ئەوانە هەموو دەبنە هۆی درووستبوونی گرفتی تەندوروستیی بۆ پێست، لەبەرئەوەی بۆیەی رەش هەستەوەرییەکی توند درووست دەکات، بۆیە ڕێنمایی دەدەم کە دەمامکی درووستکراو لە لۆکە ببەستن".

مۆرۆزۆڤا ئاماژەی بۆ ئەوە کردووە کە منداڵان ژمارەیەکی زۆر لە دەمامکی رەنگاوڕەنگ دەبەستن، بەڵام ئەگەر بێت و منداڵان و هەرزەکاران ماوەیەکی زۆر و بێ گۆڕین یان شووشتنی ئەو دەمامکە بکەن، ئەوە وادەکات لە تەمەنی هەرزەکاریدا تووشی گرفتێکی گەورەی تووشبوون بە دەرکەوتنی زیپکە لەسەر رووخساریان ببن.

كۆمپانیای هواوی تایبەتمەندییەكانی نوێترین مۆبایلی خۆی ئاشكراكرد

كۆمپانیای هواوی تایبەتمەندییەكانی نوێترین مۆبایلی خۆی ئاشكراكرد بۆئەوەی لەپشوەكانی سەری ساڵدا ببێتە دیارییەك بۆ بەكارهێنەری مۆبایلەكانی ئەو كۆمپانیایە.

مۆبایلی ۆ دیزاینێكی سەرنجڕاكێشی هەیە كە بەچینێكی شوشە داپۆشراوە بۆئەوەی بەرگەی شێ‌و تەڕبون‌و تۆزو خۆڵ بگرێت.

شاشەی مۆبایلەكە جۆری OLEDی قەبارە 6.72 ئینجە بەوردیی پیشاندانی (2676/1236) پێكسڵ‌و تەكنەلۆژیای HDR10 كارپێدەكات.

چارەسەركەری Kirin 985 5Gی نەوەی هەشتەم بۆ مۆبایلەكە جێگیركراوە، ڕامی مۆبایلەكە 8 گێگابایت‌و بیرگەی ناوەكی 128/256 گێگابایتە.

مۆبایلەكەی هواوی خاوەنی چوار كامێرای سەرەكییە بەتوانای (64+8+2+2) مێگاپێكسڵ‌و كامێرای پێشەوەی دوو كامێرایە بەتوانای (32+16) مێگاپێكسڵ‌و تایبەتمەندی ناسەرەوەی ڕوخساری هەیە.

پاتری مۆبایلە نوێیەكە 4000 میلی ئەمپێرەو تایبەتمەندی بارگاویكردنەوەی خێرای هەیە بەتوانی 66 وات، كە دەتوانێت بە35 خولەك مۆبایلەكە بارگاوی بكاتەوە.

 

ك-س

نەخۆشی شەكرە زیان بە ددانەكان دەگەێنێت

بەگوێرەی ناوەندی فیدراڵی بۆ هۆشیاری تەندروستیی لەئەڵمانیا، نەخۆشیی شەکرە هێرشدەکاتەسەر ددانەکانیش‌و توشی گرفتیان دەکات، بەشێوەیەک نەخۆشییەکە دەبێتە هۆی ئەوەی خوێنبەرەکانی ناو پوک خوێنی پێویستیان پێنەگات، ئەمەش وادەکات شانەکان توانای بەرەنگاربونەوەی بەکتریاکانیان نەبێت.

ناوەندە ئەڵمانییەکە ڕونیکردۆتەوە، نەخۆشیی شەکرە بڕی لیکی ناو دەمیش کەمدەکاتەوە، ئەمەش وادەکات ناودەم وشک بێت‌و دواجار مینای ددانەکان توشی کلۆربون دەبن، بەتایبەتی لەناوچەی گەردنی ددانەکە کە بەکتریاکان دەتوانن لەدۆخێکی لەو جۆرەدا خێراتر پەلاماری ددانەکە بدەن.

بۆ دورکەوتنەوە لەو مەترسیانە، ناوەندە ئەڵمانییەکە ڕێنمایی دەدات بنێشتی بێشەکر بجورێت، لەبەرئەوەی دەبێتە هۆی هاندانی دەردانی لیکی ناودەم‌و کەمکردنەوەی ترشەکان کە ئەو بەکتریایانە دروستدەکەن کە دەبنە هۆی کلۆربونی ددانەکان.

باسی لەوەشکردوە، بەگشتی نەخۆشانی شەکرە پێویستدەکات بەردەوام‌و هەموو شەش مانگ جارێک لای پزیشکی ددان، پشکنین بۆ ددانەکانیان بکەن.

ك-س

که‌شتى بلومارلین 13 که‌شتى دیکه‌ى هه‌ڵده‌گرێ

 

که‌شتى ”بلو مارلین" که‌ درووستکراوى کۆمپانیاى ده‌ریاوانى هۆڵه‌ندى دۆچوایس-ه‌، که‌شتیه‌کى زۆر جیاوازه‌ له‌و که‌شتیه‌ بارهه‌ڵگرانه‌ى که‌ تا ئێستا بینیووتانه‌ .

هاوکات درێژى که‌شتى بلو مارلین 224 مه‌تره‌ و به‌قه‌د دوو یاریگاى تۆپى پێى یه‌ و تایبه‌تمه‌نده‌ به‌ گواستنه‌وه‌ى که‌شتییه‌ جه‌نگییه‌کان و ناوه‌نده‌ نه‌وتییه‌کان و تانکه‌رى زه‌به‌لاح.
هۆکارى هه‌ڵگرتنى ئه‌و قه‌باره‌ زه‌به‌لاحانه‌ بۆ دوو هۆکار ده‌گه‌ڕێته‌وه‌، یه‌که‌میان درێژییه‌که‌ى و دووه‌میشیان ئه‌وه‌یه‌ که‌ له‌توانایدایه‌ تا نیوه‌ى بڵندییه‌که‌ى نقوبمبێت.
پالتفۆرمى دۆزینه‌وه‌ى نه‌وت و که‌شتییه‌کان به‌مه‌له‌پێکردن ده‌هێننه‌ ریزى که‌شتییه‌که‌. به‌ر له‌ هه‌ڵگرتنى که‌شتییه‌کان، بلو مارلین کۆگاکانى ئاوى به‌شى ژێره‌وه‌ به‌ ئاو پێ‌ ده‌کات.
له‌هه‌مان کاتدا که‌شتییه‌که‌ به‌ شێوه‌یه‌کى به‌رچاو نقومى ئاو ده‌بێت به‌ شێوه‌یه‌ک، 13 مه‌تر له‌ بڵندى که‌شتییه‌که‌ ژێرئاو ده‌که‌وێت.
دواى نقومبوونى که‌شتییه‌ زه‌به‌الحه‌که‌، ده‌توانرێت که‌شتیه‌کى گه‌وره‌ى وه‌کو Cole USS بهێنرێته‌ سه‌ر که‌شتى بلو مارلین و دواى به‌تاڵکردنه‌وه‌ى ئاوه‌که‌، دووباره‌ دێته‌وه‌ سه‌ر حاڵه‌تى خۆی.
که‌شتى ده‌ریایى Cole USS که‌ به‌هۆى هێرشه‌کانى ئه‌لقاعیده‌ له‌ یه‌مه‌ن رووبه‌ڕووى زیانێکى سه‌خت بووه‌وه‌ یه‌کێکه‌ له‌و بارانه‌ى که‌ تاکو ئێستا له‌لایه‌ن بلو مارلینه‌وه‌ گواستراوه‌ته‌وه‌، هه‌روه‌ها پالتفۆرمى نه‌وتى Horse Thunder که‌ کێشه‌که‌ى 60 هه‌زار ته‌نه‌، به‌ هه‌مان که‌شتى له‌ شوێنێکه‌وه‌ بۆ شوێنێکى دیکه‌ گواستراوه‌ته‌وه.
جێگاى باسه‌ که‌ که‌شتى بلو مارلین توانى پالتفۆرمه‌ زه‌به‌الحه‌که‌ به‌ دوورى 16 هه‌زار میل واته‌ له‌ کۆریاوه‌ تاوه‌کو که‌نداوى مه‌کسیک بگوازێته‌وه‌.
پالتفۆرمه‌که‌ گه‌وره‌ترینى جیهانه‌ له‌ڕووى دۆزینه‌وه‌ى نه‌وت له‌ ده‌ریاکان و به‌هاکه‌شى یه‌ک ملیار دۆلاره‌.

گرنگترین ئەو کەسایەتیانەی لە 2020 کۆچی دواییان کرد

له‌ ساڵی 2020 دا چەندین کەسایەتی دیاری جیهانیی لە بوارە جۆراوجۆرەکاندا کۆچی دواییان کرد، لەم راپۆرتەدا گیانلەدەستدانی ئەو کەسانە بەپێی ریزبەندی مێژوویی دەخەینەڕوو.

لە 2 کانونی دووەم نەجوا قاسم، کە یەکێک بوو لەبێژەرە هەرە دیارەکانی جیهانی عەرەبی، لەتەمەنی 52 ساڵیدا کۆچی دوایی کرد.

ڕۆژی 10ی کانونی دووەمی ئەمساڵ سوڵتان قابووس بن سەعید، دوای پێنج دەیە مانەوە لە دەسەڵاتی سوڵتاننشینی عوممان، لەتەمەنی 80 ساڵیدا گیانی لەدەستدا.

لە 26 ی کانونی دوەمیش کۆبی برایانت، کە ئەستێرەیەکی دیاری باسکەی NBAی بوو، پێنج جاری لەسەر یەک لە خولی پیشەگەری ئەمەریکی براوە بوو ، لەتەمەنی 41 ساڵیدا بەهۆی ڕووداوی تێکشکانی هەلیکۆپتەرەوە گیانی لەدەستدا .

ماری هیگینز کلارک، نووسەری ئەمریکی کە نازناوی ( شاژنی سوسپێنس )ی لینرابوو، کارەکانیشی زۆرترین فرۆشیان هەبووە، لە 31 ی کانوونی دووەم لەتەمەنی 92 ساڵیدا کۆچی دوایی کرد.

لە 4ی شوبات دا نادیە لوتفی، ئەستێرەی نەوەی زێڕین لە سینەمای میسری لەتەمەنی 83 ساڵیدا کۆچی دوایی کرد، هەروەک کیرک دۆگلاس، کە یەکێکە لە دواین زەبەلاحەکانی سینەمای هالیوود لە 5 ی شوبات لەتەمەنی 103 ساڵیدا کۆچی دوایی کرد.

لە 25ی شوباتی ساڵی 2011 دا حوسنی موبارەکی سەرۆکی میسر، کە بۆ ماوەی سێ دەیە سەرۆکی میسر بوو، واتە لە ساڵی 1981 ەوە تا لەسەرکارلادانی لە دوای شۆڕشی 25 ی یەنایەری 2011، لەتەمەنی 93 ساڵیدا کۆچی دوایی کرد.

حەسەن حوسنی، یەکێکە لە ئەستێرە کۆمیدییە دیارەکانی میسر و خاوەنی شەش دەیە لەناو ژیانی هونەری، لە 30 ی ئایار و تەمەنی 89 ساڵە کۆچی دوایی کرد.

پیەر نکورونزیزا، کە لە نێوان ساڵەکانی 2005 بۆ 2020 سەرۆکی بۆڕۆندی و سەرکردەیەکی پێشووی یاخیبووی گەلی هوتو بوو، لە 8ی حوزەیران لەتەمەنی 53 ساڵیدا کۆچی دوایی کرد.

لە مانگی تەمموزدا ڕەجا ئەلجەداوی، خانمە ئەکتەری میسری کە بەشداری نزیکەی 400 کاری هونەری کردووە، بەهۆی تووشبوونی بە ڤایرۆسی کۆرۆنا لەتەمەنی 83 ساڵیدا کۆچی دوایی کرد.

هەروەک ئینیۆ مۆرۆکی، ئاوازدانەری ئیتالی کە کاری ئاوازدانانی بۆ زیاتر لە 500 فیلمی سینەمایی کردووە، بەتایبەت بۆ کارەکانی سێرجیۆ لیۆن، لەتەمەنی 91 ساڵیدا کۆچی دوایی کرد.

ڕۆژی 8 ی تەمموز، ئەمادۆ گۆن کولیبالی سەرۆک وەزیرانی کەناری عاج بەهۆی جەڵتەی دڵەوە کۆچی دوایی کرد.

ڕوپ بادەر گینسبێرگی، ڕاگری دادگای باڵای ئەمریکا، لە 18ی ئەیلول لەتەمەنی 83 ساڵیدا کۆچی دوایی کرد.

لە 29 ی ئەیلولی 2006 دا شێخ سەباح ئەحمەد ئەلسەباحی میری کوێت، لەتەمەنی 91 ساڵیدا کۆچی دوایی کرد.

ڕۆژی 14ی ئۆکتۆبەر، مەحمود یاسین، کە ئەستێرەیەکی سینەمای میسرییە لەتەمەنی 79 ساڵیدا کۆچی دوایی کرد.

ڕۆژی 31ی ئۆکتۆبەریش شۆن کۆنری ئەکتەری سکۆتلەندی کە یەکەم کەس بوو رۆڵی سیخوڕی نهێنی جەیمس بۆند بگێرێت لە تەمەن 90 ساڵیدا کۆچی دوایی کرد.

ڕۆژی 10ی تشرینی دووەم، سائیب عورەیقات، گەورە دانوستانکاری فەلەستینی و سکرتێری گشتی ڕێکخراوی ڕزگاری ی فەلەستین لەتەمەنی 65 ساڵیدا کۆچی دوایی کرد.

هەروەها شازادە خەلیفە بن سەلمان ئال خەلیفە، سەرۆک وەزیرانی بەحرەین کە زۆرترین ماوە لەپۆستی سەرۆک وەزیراندا بووە لە جیهاندا، لەتەمەنی81 ساڵیدا کۆچی دوایی کرد.
لە 12ی تشرینی دووەم، جێری راولینگس، کە ماوەی دوو دەیەیە فەرمانڕەوای غانا بوو، کە یەکەمجار وەک فەرماندەیەکی سەربازی و دواتر وەک سەرۆک کۆماری هەڵبژێردراوی ئەو وڵاتە کۆچی دوایی کرد.

لە 16ی تشرینی دووەم، وەلید موعەلمی وەزیری دەرەوە و یەکێک لە کەسایەتییە دیارەکانی دەسەڵات لە سوریا لەتەمەنی 79 ساڵیدا کۆچی دوایی کرد.

لە 24 ی تشرینی دووەم، مامادۆ تانجە، کە لەنێوان ساڵەکانی 1999 تا 2010 سەرۆکی نەیجەر بووە،کۆچی دوایی کرد.

دیگۆ ئارماندا مارادۆنا ، ئەفسانەی تۆپی پێی ئەرجەنتینی، لە 25 ی نۆڤەمبەر لەتەمەنی 60 ساڵیدا بەهۆی جەڵتەی دڵەوە کۆچی دوایی کرد، مارادۆنا به باشترین یاریزانی تۆپی پێ لەمێژوودا وەسف دەکرێت.

لە 2ی کانوونی یەکەم، ڤالەری گیسکارد دیستان ، کە لە نێوان ساڵەکانی 1974 و 1981 سەرۆکی فەڕەنسا بووە و لەسەردەمی ئەودا فەڕەنسا چەدنین وێستگەی گرنگی بەخۆوە بینی، لەتەمەنی 94 ساڵیدا کۆچی دوایی کرد.

ڕۆژی 7 ی دیسەمبەر ، چەک یگەر، فڕۆکەوانی بەناوبانگی ئەمریکی ، کە یەکەم کەس بوو بە لەساڵی 1947 فرۆکە بەربەستی دەنگی بشکێنێت، لەتەمەنی 97 ساڵیدا کۆچی دوایی کرد.

 

k-s