ئه‌گه‌ر ئۆتۆمبێله‌كه‌ت له‌لافاوادا نقووم بوو چی ده‌كه‌یت؟

له‌كاتی باران بارینی به‌خوڕۆ لێزمه‌دا كه‌ پێشبینی كۆبوونه‌وه‌ی باراناو له‌سه‌ر شه‌قام‌و ڕێگه‌وبانه‌كان‌و دروستبوونی لافاو ده‌كرێت، باشتر وایه‌ ئۆتۆمبێله‌كه‌ت نه‌جوڵێنیت، چونكه‌ نقووم بوونی یٔۆتۆمبێل، زیانی گه‌وره‌ له‌به‌شه‌ جیاجاكانی یٔۆتۆمبێل ده‌دات وه‌ك به‌شی كاره‌با‌و بزوێنه‌ر‌و ژه‌نگ هه‌ڵهێنانی به‌شه‌كانی ناوه‌وه‌ی ئۆتۆمبێل‌و به‌شه‌كانی دیكه‌، ئه‌مه‌ش به‌تێپه‌ڕبوونی كات زیانه‌كانی باران‌و لافاوه‌كه‌ له‌ئۆتۆمبێله‌كه‌تدا ده‌رده‌كه‌وێت‌و سه‌ره‌ڕای زیانه‌كانیش، به‌و هۆیه‌وه‌ مه‌ترسی له‌سه‌ر سه‌لامه‌تی تۆی شۆفێر‌و سه‌رنشینانی یٔۆتۆمبێله‌كه‌ت دروست ده‌بێت. 

هه‌ر بۆیه‌ شاره‌زایان یٔامۆژگاری شۆفێران ده‌كه‌ن، هه‌رگیز ئۆتۆمبێل به‌ركه‌وته‌ی لافاو نه‌كڕن سه‌ره‌ڕای یٔه‌وه‌ی نرخه‌كه‌ی زۆر هه‌رزان بێت، له‌به‌ریٔه‌وه‌ی چاككردنه‌وه‌ی كاتێكی زۆر‌و پاره‌یه‌كی زۆری ده‌وێت، ئه‌مه‌ یٔه‌گه‌ر كاتێكی زۆری به‌سه‌ردا تێنه‌په‌ڕبێت‌و ژه‌نگ داینه‌ڕزاندبێت.
حاڵه‌تێكی دیكه‌ هه‌یه‌ كه‌ زۆر گرنگه‌ له‌م ڕاپۆرته‌دا بۆئێوه‌ی شۆفێری ده‌خه‌ینه‌ڕوو، ئه‌ویش یٔه‌وه‌یه‌ كاتێك یٔۆتۆمبێله‌كه‌ت له‌كاتی ڕۆیشتن یان ته‌نانه‌ت پارككردندا له‌باراناو لافاودا نقوم بوو چی ده‌كه‌یت؟: -
1 – فلته‌ری هه‌وا: ده‌بێت تۆی شۆفێر شوێنی فلته‌ری هه‌وا بزانیت، له‌به‌ریٔه‌وه‌ی ئه‌گه‌ر فلته‌ری هه‌وا ته‌ڕ بێت‌و یٔۆتۆمبێل جوڵه‌ بكات، واتای چوونی باراناوه‌ بۆ ناو به‌شه‌كانی بزوێنه‌ر وه‌ك، به‌شی سوتان‌و پستۆنه‌كان، كه‌ به‌به‌شه‌ سه‌ره‌كیه‌كانی بزوێنه‌ر هه‌ژمار ده‌كرێن.
2 – نابێت به‌هیچ جۆرێك به‌شی سوتانی به‌نزین‌و گازوایٔیل له‌ناو بزوێنه‌ردا ته‌ڕبێت، كه‌ یٔه‌ركی یٔه‌م به‌شه‌ به‌رهه‌مهێنانی وزه‌‌و جوڵه‌یه‌ له‌ناو بزوێنه‌ردا، له‌حاڵه‌تی ته‌ڕبوونی یٔه‌دای تێكده‌چێت‌و بزوێنه‌ر له‌كار ده‌كه‌وێت.
3- قایشه‌كان، ئاو زیانی زۆر به‌قایشه‌كانی ئۆتۆمبێل ده‌گه‌یه‌نێت‌و خراپیان ده‌كات، هه‌ر بۆیه‌ له‌كاتی جوڵه‌ی یٔۆتۆمبێلدا ده‌نگ دروست ده‌كه‌ن‌و سه‌ر یٔه‌نجام ده‌پچڕین، بۆیه‌ پێویسته‌ له‌گه‌ڵ نقوم بوون‌و ته‌ڕبوونیان بۆ ماوه‌ی دوور‌و درێژ بگۆڕدرێن.
4 – به‌شی كۆمپیوته‌ر‌و كاره‌بای ئۆتۆمبێل: یٔاو زیانی گه‌وره‌ به‌به‌شی كۆمپیوته‌ر‌و كاره‌بای ئۆتۆمبێل ده‌گه‌یه‌نێت، بۆیه‌ پێویسته‌ له‌كاتی نقوم بوون‌و ته‌ڕبوونی یٔۆتۆمبێلدا كاری پێنه‌كرێت‌و سه‌ری پاتری لاببرێت.
5 – چوونه‌ ناوه‌وه‌ی ئاو‌و باراناو بۆ ناو ئۆتۆمبێل: له‌م حاڵه‌ته‌دا گاعیه‌كان ده‌ربكه‌‌و هه‌وڵ بده‌ ناوه‌وه‌ی یٔۆتۆمبێله‌كه‌ وشك بكه‌یته‌وه‌، له‌به‌ریٔه‌وه‌ی ناو یٔۆتۆمبێل به‌شی كاره‌بایی تێدایه‌، سه‌ره‌ڕای دروستبوونی بۆنی ناخۆش له‌ناویدا، هاوكات ژه‌نگهێنانی به‌شه‌كانی ناوه‌وه‌ كه‌ به‌ڕاگری سه‌ره‌كی هه‌یكه‌لی یٔۆتۆمبێله‌كه‌ داده‌نرێن، له‌گه‌ڵ تێپه‌ڕبوونی كات ژه‌نگ ڕاگره‌كانی ناوه‌وه‌ داده‌ڕزێنێت‌و سه‌ریٔه‌نجام ده‌بێت هۆی تێكشكاندنی هه‌یكه‌لی یٔۆتۆمبێله‌كه‌‌و له‌هه‌ندێك حاڵه‌تیشدا ته‌نانه‌ت، له‌كاتی پارككردن یان ڕۆیشتندا ئۆتۆمبێله‌كه‌ به‌و هۆیه‌وه‌ ده‌بێت به‌دوو به‌شه‌وه‌!.

ژێده‌ر - هاتووچۆی سلێمانی

ئەو خۆراكانەی ڕێگری لە توشبون بە شێرپەنجەی مەمك دەكەن

 

ئێستانیوز

شێرپەنجەی مەمك نەخۆشیەكە كە تێیدا خانەكانی مەمك بە شێوەیەكی زیاد لە پێویست و لە دەرەوەی كۆنتڕۆڵ جەستەی مرۆڤدا زیاد دەكەن، زۆربەی توشبوانی ئەم نەخۆشیە ژنان، لەوبارەوەیەوە پزیشكێكی پسپۆڕی نەخۆشیەكانی مەمك، بۆخۆپاراستن لەشێرپەنجەی مەمك پێشنیازی خواردنی چەند خۆراكێك بۆ خانمان دەكات.د. ژیان خەلیل، پزیشكی پسپۆڕی نەخۆشیەكانی مەمك، دەڵێت" شێرپەنجەی مەمك نەخۆشیەكە كە تێیدا خانەكانی مەمك بە شێوەیەكی زیاد لە پێویست و لە دەرەوەی كۆنتڕۆڵ جەستەی مرۆڤدا زیاد دەكەن، لە هەردو رەگەزی ژنان و پیاواندا روودەدات، بەڵام زۆرینەی توشبوانی ئەم نەخۆشیە خانمانن، ئەگەر بێت و شێرپەنجەی مەمك چارەسەر نەكرێت ئەم خانانە كە بە خانەی شێرپەنجەیی ناسراون دەگەوازرێنەوە بۆ بەشەكانی تری لەش، تەندروستی نەخۆشەكە لە بارێكی جیگیرەوە بەرەو بارێكی ناجێگیر دەبەن"
باشترین خۆراكەكان بۆ خۆپاراستن لە شێرپەنجەی مەمك.
1. سەوزە و میوە: لە تویژینەوەیەكدا دەركەوتوە خواردنی میوە و سەوزە ئەگەری %١٥ شیرپەنجەی مەمك كەم دەكاتەوە، باشرینیان بریتین لە برۆكلی، بێری، قۆخ.
2. ریشاڵ و دژەئۆكسان: ئەو خۆراكانەی دەوڵەمەندن بە ریشاڵ و دژە ئۆكسانن، باشترینن بۆ خۆپاراستن لە شێرپەنجەی مەمك، رێگری دەكەن لە گەشەكردنی خانە شیرپەنجەییەكان، كە لە سپێناغ، گێزەر، مۆز، پرتەقاڵ، گوێز، شوكەلاتەی رەش، شیلك هەیە.
3. چەوری بەسود:خواردنی چەور دەبێتە هۆی قەڵەوی و مەترسی توشبون بە شێرپەنجە زیاد دەكات، بەڵام هەندێك خۆراك هەیە كە چەوری تەندروستیان تێدایە و بەسودن بۆ شێرپەنجە وەكو زەیتی زەیتون، ئەڤۆكادۆ، گوڵەبەرۆژە، چەرەسات، ماسی سەلەمون.
4. ڤیتامینەكان: بەتایبەتی ڤیتامین Dهۆكارن بۆ رێگریكردن لە زیادبون خانە شێرپەنجەییەكان، مەترسی توشبون بە رێژەیەكی زۆر كەم دەكاتەوە، لە خۆراكەكانی زەردێنەی هێلكە، جگەری گا، ماسی تونە، پەنیردا هەیە.

تەندروستى جیهان: ساڵی داهاتوو کۆرۆنا کۆتایی دێت و ژیان ئاسایی دەبێتەوە

رێکخراوی ته‌ندروستی جیهانی رایدەگەیەنێت کە ساڵی داهاتوو ژیان ئاسایی ده‌بێته‌وه‌و دەگەڕێتەوە دۆخی جارانی و ڤایرۆسی کۆرۆنا کە ژیانی تێکداوە نامێنێت.
لە چاوپێکەوتنێکدا مایك رایان به‌ڕێوبه‌ری پرۆگرامی فریاكه‌وتن له‌ رێكخراوی ته‌ندرووستی جیهانی رایگه‌یاند، تائێستا پێکوتەی کۆرۆنا لە جیهاندا بڵاونەکراوەتەوە، بەڵام ئه‌گه‌ری ئه‌وه‌ له‌ ئارادایه‌ بەم نزیکانە بڵاوبێتەوە کە رەنگە بکەوێتە ساڵی داهاتوو.

رایان باسی لەوەکرد، سه‌ره‌ڕای ئەوەی ئێستا لە زۆربەی وڵاتان ژیان ئاسایی بووەتەوە، به‌ڵام پێویستمان به‌وه‌یه‌ ره‌چاوی خۆپارێزی زیاتر بكه‌ین و رێكاره‌ ته‌ندرووستییه‌كان جێبه‌جێ بكه‌ین و خۆمان له‌ تێكه‌ڵاوی كۆمه‌ڵایه‌تی بپارێزین.

ئەو بەرپرسەی رێکخراوەکە ئەوەشی خستەڕوو ئەگەری زۆرە ساڵی داهاتوو کۆتایی بە کۆرۆنا بێت و ژیان ئاسایی بێتەوە، بەڵام بەتەواوەتی نەخۆشییەکە بنەبڕ نابێت لەگەڵ ئەوەشدا دەرفەتی باش لەبەر دەست دەبێت بۆ ئەوەی بەسەر نەخۆشییەکەدا زاڵ ببن و پێکوتەی چارەسەری تەواو مسۆگەر بکرێت.

ژمارەی تووشبووانی کۆرۆنا لە جیهان لە 60 ملیۆن تووشبوو نزیکدەبێتەوە، مردنیش لە ملیۆنێک و 400 هەزار نزیکدەبێتەوە. زیاتر لە 40 ملیۆن کەسیش لەو ڤایرۆسە رزگاریان بووە.لەو ژمارەیەدا 15 ملیۆن و نیو تووشبوو لە ئەوروپا هەن، 355 هەزار کەسیش گیانیان لەدەستداوە.

 

karwan

ئەپڵ ئایفۆنە نوێیەکەی ئاشکرا کرد

 

کۆمپانیای ئەپڵ ئەمڕۆ بە فەرمی ئایفۆنی ١٢ ئاشکراکرد، کە توانای پەیوەست بوونی هەیە لەگەڵ تۆڕەکانی نەوەی پێنجەمی ئینتەرنێت و نرخەکەشی لە ٧٩٩ دۆلارەوە دەستپێدەکات.

ئایفۆنی ١٢ بە شاشەیەکی ٦.١ ئینجی و لێوارەکانی ساف و شاشەیکی ڕوون لەسەر شێوازی ئایفۆنی ٥ بەردەست دەبێت.

هەروەها ئەپڵ نموونەیەکی دیکەی "مینی" بە شاشەیەکی ٥.٤ ئینجی بەردەستخستووە و بە نرخی ٦٩٩ دۆلار، لەگەڵ نموونەیەکی پڕۆ بە سێ کامێراوە.

هانز فیستبرگ بەڕێوەبەری جێبەجێکاری کۆمپانیای "ڤیریۆن کۆمیۆنیکەیشنز ئین_ Verizon Communications Inc " ڕایگەیاند، ئامێرە نوێیەکانی ئایفۆن، لەگەڵ نەوەی پێنجەمی ئینتەرنێت کار دەکەن، کە خاوەنی خێرایەکی خێراییەکی زۆرە و بەشێوەیەک دیزاین کراوە بۆ کەمکردنەوەی لاوازی پەیوەندییەکان لە شارە گەورەکانی وەک نیویۆرک و لۆس ئەنجلوس و یارگاکانی تۆپی پێ.

کۆمپانیای ئەپل دەرباری کارکردنی ئایفۆنە نوێیەکە ئاماژەی بەوەکردووە، تاقیکردنەوەی لەسەر نەوەی پێنجەم کردووە لەگەڵ زیاتر لە ٨٠٠ کۆمپانیای پەیوەندیکردن لە ٣٠ ناوچەی جیاوازی جیهان.

ئایفۆنە نوێیەکەی ئەپڵ بەرگێکی شوشەیی سیرامیکی لە دەرەوە هەیە و دژە شکانە لە کاتی کەوتنەخوارەوەدا.

بەهۆی ڤایرۆسی کۆرۆناوە کۆمپانیای ئەپڵ چالاکییەکی خۆی لەڕێگەی ئینتەرنێتەوە گواستەوە و بەرهەمەکانیش بریتین لە ئایفۆنی ١٢ و ئایفۆنی ١٢ی مینی و ئایفۆن ١٢ی پرۆ و ئایفۆن ١٢ پڕۆ ماکس.

بەگوێرەی زانیارییەکان کۆمپانیاکە چاکسازی گرنگی ئەنجامداوە لە کامێرای مۆبایلەکان، بەشێوەیەک جوانترین وێنە بە وردەکارییەکی بەرزەوە تۆمار دەکات.

خانمەكەم

شیعر

سمكۆ محەمەد

بە بیرم نایا خۆم لە بیر بێت

یان ژنێكم ناسیبێ وەكو تۆ هێندە حەز بكات ماڵێكی هەبێ

لەوێوە تێگەیشتم كە هەموو شتێك پێچەوانەیە

هەموو شتێك لە دژی ئەویتر لە دایك دەبێت

تۆ لە دژی من هاتووی و منیش لە دژی تۆ

بە دەست خوم نییە/ حەز دەكەم لەگەڵ خۆمدا تەنها بم

چونكە دیار نییە/ دەریا كەی ئاراستەی خوی دەگۆڕێ

عیشقیش كەی لە جەنگ تەواو دەبێ

تەنها ئەو كاتە نەبێ كە مردن قسە دەكا

ئەوكاتەی كە ژیان خامۆش دەبێت و دەنگی تەقە و ئاژاوە نامێنێ

ئەو كاتە بیری شەڕ دەكەم/ بیری گریانی ژنەكەم

ئەمە دوا دێڕی گۆرانییەكی ناچارییە بۆ خانمەكەم

زۆرم گوت خانم لێم گەڕێ با نەیەم بۆ شار/ با نەبم بە شەریكت/ نەبم بەو پاڵەوانەی كە هێشتا سێبەرە و تۆ خەوی پێوە دەبینی/ با نەبم بە پارچەیەك لە كوڕانی سەر شەقامەكان/ لە بری ماچ جنێوت پێ بدەم

من دەمزانی دواتر كابووسێك لە بەرگی تۆدا دێت و پێم دەڵێ

بە هیچ نابی. تۆ قەت بە هیچ نابی

خانم من نەمگوت با بۆ یەكتر نەبین و پێكەوە لە دەرگای ماڵێكەوە نەچینە ژوورێ

توخوا نەمگوت با پێكەوە نەبین/ نەبادە بەختم وەكو كاغەز بخەیتە نێو دەستی مناڵێك و هەر خۆت پێی بڵێی بیدڕێنە

ئەوكات منیش لە خۆمەوە دەست پێدەكەم كە لە داخی سەربەستیی تۆ و زیندانیكردنی عیشق

پیرۆزیی دابڕان بخەمە شیعرەوە

پێم گوتی خانم/ زۆرم پێ گوتی وا بڕوات من ناتوانم چیرۆكی خۆم و تۆ بنووسمەوە

من بەر لە خۆم/ كەسێكی تری وەكو تۆ هاتبوو سۆراغی كردبووم و دابڕاین لە یەكتر

ئەو ئێستاكەش بەنێو كووچەی شاردا بۆ ئەو كاغەزە دەگەڕێ كە بە دەستی مناڵێك دڕا

هەر ئەو كاتە خانم/ لە جیاتی من گوتبووت لە سەربەستی مەگەڕێ

جگە لە گێلێتی جوانییشت لێ دەدزێ

تۆ بووی بە قوربانی سەربەستی/ منیش گوایە شۆڕشگێڕم

بەسەر ئەسپێكی لەڕەوە دەمگوت

ئازادی.. ئازادی

ئەم دەنگە گەرووی تا بازاڕ بەرز بووەوە

تائەو جێگەیەی خانمەكەم لەبەردەم زێڕەنگەرەكان بینی/ قاقا پێدەكەنی

ئێستاكە لە شێتخانەی

خانم من بە هۆی تۆوە هەژار كەوتم/ تۆش بە هۆی منەوە دەوڵەمەند بووی

من بیرم نایە كەی ڕۆیشتووم/ تۆ بیرت دێت كەی دەستت لە هەویر بەر داوە بۆ شەڕی پیاو

ناچارم بڵێم لەوەتەی تۆ لەنێو دۆزەخدا كەوتووی

من درۆ دەكەم!

درۆ دەكەم و دابڕاوم لە ئەوینی بێدەنگیت/ لە شوكرانەییت لەسەر تاشەبەرد/ لە چەماوەییت كە داپیرت بە وەرەسە بۆی جێ هێشتووی

تەنها لەو بارە قورسە دانەبڕام كە بەسەر شانمەوە بوو

ئێستا سەرباریشی هاتە سەر/ كە تۆی

خانم خەتا لە تۆ بوو كە چۆڵاییت لێ كردم بە حەشاماتی كۆتایی ژیان

خەتای تۆ بوو كە بوویت بە مێگەلێك لە ژن

هەر یەكێكت لە قولكەیەك ڕاگرتبو و سێرەیان لەمەرگ گرتبوو/ لەپانتاییەكی دیكەی ئاسمان بۆ ژیان دەگەڕان/ لوتبەرز وەكو شەیتان/ كەهاتنەوە خوارێ/ هێشتا ژن بوون.

تۆ ئێستاش باوەڕ بەمن ناكەی و دەبینم بەپێیەكانی من ڕێدەكەی

پەنجەی من ڕادەوەشێنی و شەق لەسێبەری خۆت هەڵدەدەی

هەرجارەی لەلایەك سەردەردێنی

كەپێتدەگوتم كەی نوێژ دەكەی/ سەرم بۆ دەچەمانیەوە

كەدەعوەتی مۆم داگیرسان و تەراتیلی دێرت دەكردم/ سوپاسی مەریەمم دەكرد

وەختێكیش بەسەر پشتی گایەكەوەیە دەهاتی/ پێتخوشبوو پێكەوە حەشر بكرێین

ئێستا دەمەوێ بڕۆم و پێم ڕێداناگرێ بۆنی عەتری بەجێماوی تۆ نەكەم

من ناچارم بەدرۆش بێت / هەر لێرەبم وەكو داهۆڵ

هەر بەناچاریش لەپشت پەیكەری ئەبو عەللای مەعەرییەوە وەكو دارێكی وشك هەڵاتوو

چاو لەتۆ بكەم و خەیاڵم لەبیابانی بێسنووردا بەجێبێڵم

خانم بڕوانە تەنیشتی خۆت/ بڕوانە ئەوبەری خۆت/ بڕوانە سێبەری خۆت

چۆن دەبی بەخۆت و دەگۆڕێیت

تەماشاكە و بزانە بۆچی/ ژنێكی نەزۆك كتێبێكی بەرگ سەوزی لەمێردەكەی دزیوە/ بۆچی بەستیانێك دەیگۆڕێتەوە

بۆچی ژنێك بەڕووتی بەنێو جامخانەكانی بازاڕدا پیاسە دەكات / تف لەكابرای كوتاڵ فرۆش دەكا

بۆچی ژنیكی تر لنگە نەعلێك لەوێنەی مێردەكەی دەگرێت و هەر خۆشی بەدیاریەوە دەگری

ژنێكی تر لەسەر چەند پارچە زێڕێك لەگەڵ مێردەكەی شەڕیەتی و پیرێژنێكیش لەگەڵ پیرەمێردێك بەژیان پێدەكەنن

بزانە بۆچی ژنێكی تر لەقینی پیاوە دەنگ بەرزەكەی / بەرد بەبا دەكا

ئی بۆ ژنێكی تری خان و مان

(راوەستاوە لەو بانە/ دەستی لەكەمەردانا/ هەر دەڵێی كچە سوڵتانە)

بۆچی ژنێكی تر دەبینم پرچی سپی دەهۆنێتەوە بۆ دەنگی پێی پیاوێك

بۆچی ژنێكی تر بەسەماكردنەوە تەماشای كوشتنی براكەی دەكا

بۆچی ژنێكی تر خۆی دەسوتێنێ و جلەكانی بۆ یادەوەری حەشار دەدات

ئەی خێرە ژنێكی تر بۆسەربەستی دەیەوێ خۆی بدات بەدەم ئاودا

تۆش لەبری من ناوی هەموویان دەنوسی و ناوی خۆت بیر دەچێتەوە

ئەمانە ژنەكانن / ئەوەش منم لەگەڵ پیاوە خەسیوەكان دیارنیم

ئێێیی خانم

من خەیاڵ گرتوومی و پێموایە لەمێژە لێرە نیم

سەرخۆشم بەژن و خەریكم دەفتەرەكەی بەرباخەڵم دەسوتێنم / تۆش هەر لەخەیاڵی ڕووت كردنی سینەتی

مەستم بەژن و خەریكم سەعاتەكەی دەستم دەشكێنم / تۆش هەر لەبیری گەڕانەوەی زەمەنی

خویەكی خراپە كەوەكو چارلی چاپڵن فێری كاتژمێر شكاندنت كردم

تۆش وەكو ئەوانی تر/ لەبری ئەوەی جۆش دابمێنی / پێم پێدەكەنی

سی ساڵی ڕەبەقە خانم

سی ساڵی ڕەبەق/ ناوی ڕۆژەكانی هەفتەت لەبیرم بردۆتەوە / جگە لەناوی خۆت

نەتهێشت ناوێك بدۆزرمەوە بەقەد ناوی ژیانی سەر زەوی زەحمەت بێ

هێندەت گەورە كردم خەریكم ژمارەی ساڵەكان لەغروریدا دەسڕمەوە

دەمەوێ بەخەیاڵ بچمەوە بۆ سەمەرقەند

تەمەنیشم هێندەی مەوداكانی ئێرەو سەمەرقەند بڕ ناكات

لەوەش نەگبەتی تر ئەوەیە جورئەت ناكەم لەسەر لافیتەیەك بنوسم

ئازادیم بەژن گۆڕیەوە و تۆش بەماڵ

خانمەكەم بڕوانە

كەلەدوورەوە تەماشای تۆ دەكەم و تف لەو كتێبە دەكەم كەباسی ئادەم دەكا/ لەسەری نوسراوە ژن / چیرۆكی هابیل و قابیلم بۆ مەگێڕەوە

نازانم بۆچی كەباس دێتە سەر نهێنیەكانی فیرعەون و یوسف/ تۆ تەنها چیرۆكی زوڵەیخام وەبیر دەهێنیتەوە

نازانم لەكەیەوە توشی ئەو نەخۆشیە بووم كەناوی ژن ە

من دەزانم ئەم قسانە سەرم دەخوا

دونیام لێبووەتە چەرمی چۆلەكە و پەردەیەكی شاشی تەنكم لێبووەتە دیواری چین

رەهەندی حەرفێكم لێبووە بەدەیان فرسەخ و هەرچەند دووربی هەر نزیكمی

خۆزگە وەها نابووم

نەخۆم و نەتۆشم نەناسیبا

ئێستا ناوێرم بچمە هیچ مەجلیسێكەوە

نەبادە پێم بڵێی تۆ نوێژ بۆ ڕاسپۆتینەكان دەكەی

من پێشتر وانەبووم تاخانم نەهات

بەرلەوەی لەرۆژنامەكاندا كاریكاتێری خۆم ببینم

بەدیار كۆڵەمستانێوە دۆشدامابووم و پڕ بەگەرووم دەمقیژاند

بژی ئازادی ........

لەبیری ئەوەدام بۆچی هەمیشە پێتدەگوتم گێلە و نەمدەزانی بۆ

ئەی خودا چەند غەریبم

تازە خەریكم لەباوكم یاخی بم

وەك ئەو مناڵانەی لەمەكتەب یاخی دەبن و دەفتەرەكانیان دەدڕێنن

تازە خەریكم یادەوەرییەكانم بنووسمەوە و بیدەمە ڕۆژنامەیەك و بمكات بەپاڵەوانی مانشێت

تازە خەریكم گومان لەزمانی خۆم دەكەم

غەریبم / غەریبتر لەتۆ خانم

كەمێك بگەڕێوە/ بزانە چۆن بووم بەخواپەرست و نەشمدەزانی ڕوو لەكام مەعبەد بكەم

چۆن بووم بەعاشق / نەمدەزانی بەیانی باش لەتۆ بكەم كەتەنها سێبەرەكەتم دیبوو

خۆم زیندانی كردبوو/ دەرگاكانم بەو پەنجەرانە دەگۆڕیەوە كەهەناسەی ژوورەكەمی ناگۆڕی

بووم بەو تەیرە عاجباتیەی كە لەجیاتی لەقلەقەكەی ناوشار نەدەچووە سەر منارەی مزگەوت

هەموو ئەو غایەلانەم كرد و نەمزانی خانم/ ژن سركە/ یان لە تاقی بەرزدا عاسی بووە

نەمدەزانی بۆ دانابڕێم لەم مەفتەنە شڵۆقاوە

وەك ڕێبوارێكی تینوو لە بیاباندا

درەنگ بیرم كردەوە/ داوای قومێك ئاو بكەم

لەو ڕۆژەوەی چارەنووسی خۆم دایە دەست تۆ

زەندەقم چووە لەوەی خەیاڵم بڕوا و چەكدارێكی بێشوناس داوای شوناسم لێ بكا و پێم نەبێ

كەسێك پرسیاری بوون بكا و جوابم پێ نەبێ

هەواڵی ڕۆژنامەیەك بخوێنمەوە و لە تەنیشتیەوە وێنەی چەقۆ و دەمانچە و شقارتە كێشرابێ

ترس قەناعەتی تەواوی بە قەدەر پێ هێناوم كە من و تۆ دوو شتی جیاكراوەین/ هەر دەبێ جوداش بین

ناوێرم لە قەراخ شار كەمێك بە تەنها بم/ تۆ لەوێی

كە جەنجاڵی شار دەبینم/ وەكو پاڵەوانەكانی كافكا خۆم لێ دەبێتە جانەوەر

پێم وابوو لە سەدەی سێهەمی بەر لەدایكبوونی نیشتمانم

لەوەتەی تۆ لێرەی و من بەپێوەم

جاربەجار خەیاڵم بۆ خۆكوشتن دەچێت

ترسم هەیە كودێتام لێ بكەی

ترسم هەیە داوەتی شێوەزارەكان بكەی/ بێن بۆ فەرهودكردنی كتێبخانەكەم

دەترسم بمخافڵێنی بە نیازی تیماركردنی هەر وشەیەك/ حەرفێكم پێ بكوژی

دەترسم ناوێكی خۆش بۆ شیعرێكی لیریكی هەڵبژێرم/ بە خیانەت بۆم بنووسی

لە خەویشدا ناوێرم لەسەر كورسی دانیشم

لە ترسی ئەوەی پاسپۆرتەكەم بدەی بە موسافیرێكی گێل

بە خەیاڵیش بیر لە موڵك ناكەمەوە/ نەبادا وەكو مالیك و لملوكەكان لە منفا واوەترم ببەی

دەترسم بە شیعری نوێ گۆرانی بڵێم

نەبادا وەك پاتە لەپێكان مۆڕەم لێ بكەی

ناچمە ئەو وێستگانەی كە قافڵەی پێدا تێپەڕ دەبێت

یادەورییەكانم لە حەوت كون دەشارمەوە و شكستی نیشتمانیش دەدەمە دەست كچێكی قەیرەی كارقایم

ئەو نهێنی مانەوەی خۆی شاردۆتەوە و تف و نەفرەت لە شوو دەكا

كەواتە خانم دەتوانێ منیش بشارێتەوە

شەرتم كردووە چیتر بە هەڵە تەماشای سینگی نیشتمان نەكەم

بەرپەرچی مەلاكان نەدەمەوە و قسە لە قسەی قەشەكانیش نەكەم

بە تەنها بیر لە نەخشەیەكی نوێ بكەمەوە كە جێگەی خۆمی تیا ببێتەوە و بەس

بیر لە چیرۆكێك نەكەمەوە كە مناڵەكانمی تێدا ببنە پاڵەوان و بە شەمەندەفەر سەفەر بكەن

تەماشای پەنجەرەی هیچ باڵەخانەیەك نەكەم

بۆ ئەوەی كڵاوەكەم نەكەوێ

لە پەنای ئەو دیوارانەش ڕاناوەستم كە پاسەوانەكانی نیشتمان بە دەم گۆرانیگوتنەوە

وەنەوزیان گرتووە

چونكە دەزانم ئەوان خەویان بۆ خۆیانە و بێدارییشیان بۆ من

من هەر لێرە دەبم خانم/ تۆش لە زیندانی خۆتدا بنوو..