ئەندازیارانی ئەلیكترۆنی لە هۆڵەندا دەمامكێكی زیرەك دروست دەكەن

 

ئەندازیارانی ئەلیكترۆنی لە هۆڵەندا لە هەوڵی دروستكردن و پەرەپێدانی چەندین خزمەتگوزاریدان لەپێناو خزمەتكردنی هاوڵاتیان و لە هەوڵی دروستكردنی جۆرێك لە دەمامكن كە جگە لەوەی مرۆڤ لە ڤایرۆس و هەڵمژینی هەوای پیس دەپارێزێت ، توانای هەیە پلەی گەرمی لەش و رێژەی پیسبوونی هەوا بپێوێت ، جگە لەمانەش كاتێك دەمامكەكە بەكەڵكی بەكارهێنان نامێنێت بەكارهێنەرەكەی ئاگادار دەكاتەوە كە كاتی گۆڕینی دەمامكەكەیەتی.

 

 

 

بيستون ...

ناسا بوونی ئاوی لەسەر رووی مانگ راگەیاند

دۆزینەوەیەکی سەرنجڕاکێش و بێهاوتا.. ناسا "بوونی ئاوی لەسەر رووی مانگ" راگەیاند.

لە دۆزینەوەیەکی سەرنجڕاکێشدا جیم برایدنستاین، بەڕێوەبەری ئاژانسی بۆشاییگەری ئەمریکا "ناسا" بوونی ئاوی لەسەر رووی مانگ راگەیاند.

برایدنستاین لە تویتێکدا لەسەر هەژماری خۆی لە تویتەر گوتی، "لەڕێگەی بەکارهێنانی تەلسکۆبی "SOFIA"وە بۆ یەکەمجار بووني ئاو لەسەر رووی مانگ لە بەرامبەر خۆر پشتڕاست دەکەینەوە".

برایدنستاین، ئەوەشی زیاد کرد: "تا یٔێستا نازانین ئایا دەتوانین ئەو ئاوە وەک سەرچاوەی ژیان بەکاربهێنین یان نا، بەڵام دۆزینەوەی ئاو هۆکارێکی سەرەکییە لە پلانی دۆزینەوەی ئەرتمس".

ئەم ئەنجامانە ئاماژە بەوە دەکەن کە ئاو لەسەر مانگ دروست دەبێت، یان لە سەرچاوەکانی دەرەوە بۆی دێت و، لە ناوچە جەمسەرییەکان مانگ کۆدەبنەوە.

بوونی ئاو پاڵنەرێکی زیاتر دەبێت لە ئاشکراکردنی مانگ و یاسا ئەگەرییەکانی داهاتوو تێیدا، بۆ ئەوەی وەک سەرچاوەیەکی ئەگەری ئاوی خواردنەوە و، سووتەمەنی کار بکات.

بۆ خۆپاراستن لە کۆرۆنا خۆت لەم خواردنانە بەدوربگرە

ئۆلگا نیناستینا زانای نەخۆشیناسی روسی بەئاژانسی سپۆتنیکی وڵاتەکەی وتوە، ژەمە خێراکان‌و خواردنە لەقوتونراوەکان‌و خواردنە سورکراوەکان زیان بەسیستەمی بەرگری جەستە دەگەیەنێت، هەروەک چۆن خواردنی شەکر کاریگەریی نەرێنی لەدیواری لولەکانی خوێن دەکات.

نیناستینا دەڵێت:"پێویستە لەخواردنە لەقوتونراوەکان دوربکەوینەوە، لەبەرئەوەی هیچ بەهایەکی خۆراکییان تیدانییە، هەروەک چۆن خواردنی شەکر کاریگەریی خراپ دەکاتەسەر دیواری دڵ‌و گەشەی بەکتریاکان، هەروەها خواردنی سورکراوەو ژەمە خێراکانیش زیانبەخشن".

ئەو پزیشکە ڕوسییە دەڵێت:"بۆ بەدوربون لەڤایرۆسی کۆرۆنا دەبێت سیستەمی بەرگریمان بەهێزبکەین نەوەک لاوازی بکەین، بۆئەوەش گرنگە ڤیتامین‌و کانزای پێویست لەڕێگای سەوزەو زەڵاتەی سەوزەکانەوە بەدەستبهێنین".

نینستینا ڕێنماییداوە بەوەی دەبێت سیستەمی خۆراکیمان ماسی‌و خواردنە دەریایی‌و مریشک‌و بەرهەمەکانی سپیایی تێدابێت، لەگەڵ خواردنەوەی بڕێکی زۆر لەشلەکان.

ئاماژەی به‌وه‌شکردوە، سیستەمی خۆراکیی تەندروست بەتەنها بەس نییە بۆئەوەی سیستەمی بەرگری جەستە بەهێزبکات، بەڵکو مرۆڤ پێویستی بەجوڵەیەکی زۆرو هەڵمژینی ئاوی پاک‌و دورکەوتنەوە لەشەکەتبوون هەیە.

karwan

شەربەتی تەماتە چارەسەری دوو نەخۆشی مەترسیدار دەکات

توێژینەوەیەکی زانستی کەلەمدواییە لەلایەن زانکۆی تۆکیۆ بۆ پزیشکی و پزیشکی ددان ئەنجامدراوە، سوودی بەرچاوی خواردنی شەربەتی تەماتەی بێ خوێی ئاشکرا کردووە و جەختی کردۆتەوە کە ئەو شەربەتە کاریگەریی زۆر تایبەتی لەسەر پەستانی خوێن هەیە، هەروەک چۆن یارمەتیی ئەو کەسانە دەدات کە بەدەست نەخۆشییەکانی دڵ و لوولەکانی خوێنەوە دەناڵێنن .

توێژینەوەکە کە لە گۆڤاری (Food Science and Future) بڵاوکراوەتەوە، دەڵێت : خواردنەوەی شەربەتی تەماتەی بێ خوێ، دەبێتە هۆی نزمبونەوەی پەستانی خوێن و یپرۆتینی کەمچڕی کە لە لەکەسانی پێگەیشتوودا مەترسیی نەخۆشییەکانی دڵ و لوولەکانی خوێن درووستدەکات، ئەوە جگە لەوەی کۆلیسترۆڵی زیانبەخشیش کەمدەکاتەوە .

لە پوختەی توێژینەوەکەدا توێژەران دەڵێن: ئەوەندەی ئێمە ئاگادارین، ئەم لێکۆڵینەوەیەی ئێستا یەکەم لێکۆڵینەوەیە کە بەدواداچوونی کاریگەرییەکانی خواردنی تەماتە یان بەرهەمی تەماتە لەسەر پێنوێنی مەترسیەکانی دڵ و لوولەکانی خوێن بکات

k-s

سامسۆنگ گرانترین تەلەفۆن دەخاتە بازاڕەوە

كۆمپانیای سامسۆنگی كۆریای باشوور لە كۆنگرەیەكی گەورەدا كە بە شێوەی ئۆنڵاین بەڕێوەچوو تازەترین تەلەفۆنی زیرەكی خۆی ئاشكرا كرد.

ئەم تەلەفۆنە نوێیەی سامسۆنگ كە دەتوانرێت بنوشتێنرێتەوە یەكێكی ترە لە كارە ناوازەكانی كۆمپانیاكەو ناوی (Galaxy Z Fold 2)ە.

سەرۆكی بەشی كاروباری تەلەفۆنەكە لە كۆمپانیای سامسۆنگ ڕایگەیاند، بەرلەوەی ئەم تەلەفۆنە نوێیە ڕابگەینین كە سێیەم جۆری تەلەفۆنی نوشتاوەیە زۆر گوێمان لە ڕەخنەو پێشنیاری بەكاربەرەكان گرتووەو هەندێك چاكسازیمان تێدا كردووە، گەشەی زیاتریشمان بەمجۆرە نوێیە داوە.

بڕیارە ئەو تەلەفۆنە زیرەكە لە (18) ی ئەم مانگەدا لە (40) دەوڵەتدا بخرێتە بازاڕەوە لەوانەش ئەمریكا.

ئەمە لە كاتێكدایە كە تەلەفۆنی (Galaxy Z Fold 2) دەبێتە گرانترین تەلەفۆن لە مێژووی كۆمپانیای سامسۆنگدا، چونكە نرخی یەك دانەی لە وڵاتێكی وەك بەریتانیادا دەگاتە (1799) جونەیهی ئیستەرلینی كە دەكاتە (2400) دۆلار.

لەبارەی تایبەتمەندییەكانی ئەو تەلەفۆنەشەوە كۆمپانیای سامسۆنگ ئاماژەی بەوەداوە كە ئەم مۆبایلە نوێیە تۆڕی (5G) پشتیوانی دەكات و شاشەكەی لەكاتی كردنەوەدا (6.7) بۆسەیەو شاشەی داپۆشەرەكەی (2.6) بۆسەیە هەردووكیشیان گەورەترن لەشاشەی (Galaxy Z Fold).

تێكڕای تازەكردنەوەی شاشەكەی دەگاتە(120) هێرتز، هەروەها شوشەیەكی زۆر تەنكی (UTG) بۆ سەر شاشەی مۆبایلەكە بەكارهاتووەو هەروەها تەكنیكەكانی (sweeper) و (hideaway hinge) ی تێدا بەكارهێنراوە بۆ دابینكردنی تۆكمەیی و بەرگەگرتنی باشتر لەبەرامبەر تۆزو خۆڵدا.

هەروەها تەلەفۆنەكە لە پشتەوەی كامێرایەكی سیانی هەیە كە ڕوونییەكەی (12) میگاپێكسڵەو هاوێنەكەی (12) میگاپێكسڵەو هەستەوەرێكی تلیفۆتۆگرافی بە ڕوونی (12) میگاپێكسڵی هەیە.

هەروەها لەسەر شاشەی سەرەكی و شاشەی بەرگەكەشی دوو كامێرا هەیە كە هەریەكەیان ڕوونییەكەیان (10) میگاپێكسڵە.

هەرچی میمۆری گەیشتنی هەرەمەكییە مەوداكەی (12) گێگابایتەو میمۆری داكردنی ناوەوە (256) گێگابایتەو پاترییەكەش (4500) میل ئەمپێرە.

پەنجەرەكانیشی بەجۆرێكە بەكاربەر دەتوانێت لەیەك كاتدا سێ بەرنامە بكاتەوەو دەتوانێت چەند فایلێك بكاتەوەو لەتەنیشت یەكەوە بیانخاتەڕوو.

بەپێی بابەتێكی كەشتی نووح، چاودێرانی بواری ئامێرە ئەلیكترۆنییەكان پێشبینی دەكەن ئەمساڵ نزیكەی (500) هەزار دانە لەو تەلەفۆنە نوێیەی گاڵاكسی لە بازاڕەكانی جیهاندا بفرۆشرێت.