ئاژانسی "ناسا" وێنه‌ی هه‌سارۆچكه‌یه‌كی زه‌به‌لاحی بڵاو كرده‌وه‌ كه‌ له‌ زه‌وی نزیك ده‌بێته‌وه‌

 

ئاژانسی بۆشاییگه‌ری ئه‌مریكا "ناسا" وێنه‌ی هه‌سارۆچكه‌یه‌كی زه‌به‌لاحی بڵاو كرده‌وه‌ كه‌ له‌م هه‌فته‌یه‌ به‌سه‌ر زه‌ویدا تێده‌په‌ڕێت و، تیره‌ی ئه‌و هه‌سارۆچكه‌یه‌ له‌نێوان 1.8 و 4.1 كیلۆمه‌تر ده‌بێت و، 5 جار له‌ تاوه‌ری خه‌لیفه‌ی ئیمارات گه‌وره‌تره‌.

 

به‌گوێره‌ی رۆژنامه‌ی "میرۆر"ی بریتانی، ئه‌و هه‌سارۆچكه‌یه‌ كه‌ ناوی لێنراوه‌ "OR2 1998" رۆژی چوارشه‌ممه‌ به‌سه‌ر ئاسماندا ده‌فڕێت.

 

زانایانی "ناسا" روونیان كرده‌وه‌، هه‌لی به‌ركه‌وتنی ئه‌و هه‌سارۆچكه‌ زه‌به‌لاحه‌ به‌ زه‌وی زۆر كه‌مه‌، به‌ڵام هه‌لی پێكدادانی هه‌سارۆچكه‌ی دیكه‌ له‌ داهاتوویه‌كی نزیكدا به‌دوور نازانن.

 

ئاژانسی "ناسا" هه‌موو هه‌فته‌یه‌ك نزیكه‌ی 30 ته‌نی نوێی نزیك له‌ زه‌وییه‌وه‌ ئاشكرا ده‌كات و، له‌ سه‌ره‌تای ساڵی 2019ه‌وه‌ تا ئێستا زیاتر له‌ 19 هه‌زار ته‌نیان ئاشكرا كردووه‌.

 

بيستون

Hits: 21