زاناکان ئەو هۆکارەیان ئاشکراکرد کە وادەکات مرۆڤ خەونەکانی بیربچێتەوە

زاناکانی زانکۆی مۆناشی ئوسترالی ئەو هۆکارەیان ئاشکراکردووە کە وادەکات مرۆڤ خەونەکانی بیربچێتەوە.

بەپێی قسەی زانایان، مرۆڤ سێیەکی ژیانی بەخەو بەسەردەبات، بەڵام لەڕوی کردارییەوە ئەوانەی خەونیان پێوەدەبینێت لەیادی نامێنن.

زاناکان دەڵێن:"هۆکاری ئەوە بۆ تایبەتمەندییەکانی کارکردنی مێشک دەگەڕێتەوە کە پەیوەستە پرۆسەی خەوتن‌و هەستان لەخەو، چونكه‌ بەشەکانی مێشک لەیەک کاتدا ناخەون، بەڵکو لەکات‌و ساتی جیاوازدا دەخەون، بەشێوەیەک هیپکامپ دواین بەشە دەخەوێت، هەروەک دواین بەشیشە بەئاگادێتەوە".

باس له‌وه‌شده‌كه‌ن، هیپکامپ بەرپرسە لەگواستنەوەی زانیارییەکان لەبیرەوەری کاتییەوە بۆ بیرەوەری هەمیشەیی، بەوپێیەش هیپکامپیش دواین بەشە بەئاگادێت، لەبەرئەوە ئەو زانیاریانەی لەبارەی خەونەکانەوەن لەبیرەوەری کاتییەوە ناگوازرێنەوە بۆ بیرەوەری هەمیشەیی، دواجاریش قورسە کەسەکە لەکاتی بەئاگاهاتنەوە خەونەکانی لەیادبمێنێتەوە.

لەهەمانکاتیشدا، هیپکامپ توانای ئەوەی هەیە لەنیوەی شەودا بۆماوەیەکی کەم بەئاگابێتەوە، هەرئەمەشە نهێنی گواستنەوەی بەشێک لەخەونەکان بۆ یادەوەری هەمیشەیی‌و بەبیرهاتنەوەی لەلایەن کەسەکەوە.

k-s

Hits: 29