ڤۆڵفاست، تكایە ئاگاداریی لێكەوتە نەرێنییەكانی بن!

بەر لە ماوەیەك نەخۆشێكی گەنجم بینیوە كە بۆ ماوەی سێ هەفتەو بەشێوەیەكی بەردەوام ڕۆژانە سێ بۆ پێنج جار تۆزی (فەواڕ)ی دەرمانی ڤۆلفاستی بۆ ئازاری ددانی بەكارهێنابوو، كە هاتە لام بە بێهێزیی‌و سەرسوڕانێكی زۆرو رشانەوەیەكی بەردەوام‌و سەرئێشەو ئازارێكی زۆری ماسولكەكانی هەبوو.
دوای پشكنینی پێویستیی كلینیكیی‌و تاقیگەیی، بەداخەوە كەسەكە تووشی پەككەوتنی لەناكاو و كتوپڕی هەردوو گورچیلەی بوو، پاشان دوای ناردنی بۆ پزیشكێكی تایبەتمەندیی ئەم بوارە، هۆكارەكەی بۆ زۆر بەكارهێنانی ڤۆلفاست گەڕاندەوە كە نەخۆشەكە بەداخەوە بەشێوازێكی نازانستیی‌و بڕێكی زۆرو بێ گەڕانەوە بۆ پرسكردن بە پزیشك دەرمانەكەی بەكارهێنابوو.
ڤۆلفاست چییە؟
ناوە زانستییەكەی (دایكلۆفیانك پۆتاسیۆم)ە، لە گرووپی دەرمانە ئازارشكێنە دژەهەوكەرەكانەو لە زاراوە پزیشكییەكەی (گروپی (NSAID)ە.
دیارتریین لێكەوتە نەرێنییەكانی ڤۆڵفاست:
🔸 برین‌و هەوكردن یان خوێنبەربوونی گەدەو دوازدەگری.
🔸 گەڕاندنەوەی ئاوی زیادە بۆ ناو لەش‌و ئاوسانی لەش بەتایبەت لەوانەی سستبوونی دڵ‌و گورچیلەیان هەیە.
🔸 پەككەوتنی گورچیلەكان‌و چەندین لێكەوتەی تر.
ئەو كەسانە كێن كە نابێت بەهیچ جۆرێك ڤۆڵفاست بەكاربێنن؟
🔸 هەموو ئەو كەسانەی كە پەككەوتنی گورچیلەیان هەیە.
🔸 زۆربەی هەرەزۆری ئەو كەسانەی كە پەككەوتنی درێژخایەنی
ماسولكەكانی دڵیان هەیە.
🔸 زۆربەی ئەو كەسانەی جەڵتەی دڵیان هەیە.
🔸 زۆربەی ئەو كەسانەی كە پەككەوتنی جگەری تووندو درێژخایەنیان هەیە.
🔸 ئەو كەسانەی كە برینی گەدەو دوانزەگرێیان هەیە بەتایبەت ئەگەر حاڵەتەكە نوێ بێت (ئێستا یان لەماوەیەكی كورتی رابردوو).
🔸 بەشێكی بەرچاوی ئەو نەخۆشانەی كە نەخۆشیی (ڕەبۆ)یان هەیە.
بەشێوەیەكی گشتیی كەسانی بەتەمەن‌و خانمانی دووگیان، دەبێت لە بەكارهێنانی ڤۆڵفاست دووربن تەنها لەڕێگەی ڕاوێژ بە پزیشك دەبێت وەریگرن یان نا.
تكایە ئەم دەرمانە دەرمانێكی بەربڵاوەو بەكارهێنەری زۆرە، دەرمانێكی كاریگەرە بۆ ئازارشكاندن، بەڵام بەبێ راوێژ بە پزیشك‌و دەرمانساز، بەكاری مەهێنە.

 

🔹 د. زانا دزەیی - پسپۆڕی نەخۆشییەكانی هەناو

شه‌کری سپی و شه‌کری ناو میوه‌ ؛ جیاوازیان چیه‌ 

🔵 ئایا شه‌کری ناو میوه‌ زیانی هه‌یه‌ :

🔵 ئایا میوه‌ له‌ ناو له‌ش دا ئه‌بێته‌ ژه‌هر :

ــــ زیانه‌کانی شه‌کری سپی زانراون و گه‌لێک زۆرن به‌ڵام هه‌ندێک له‌ هاوڵاتیان ئه‌پرسن ئایا ئه‌و شه‌کره‌ی ناو میوه‌ هه‌مان زیانی هه‌یه‌ بۆ ته‌ندروستی مرۆڤ و پێویسته‌ له‌ خواردنی میوه‌ دوور که‌ونه‌وه‌ ؟ ۰
ــــ سه‌ره‌تا ئه‌و شه‌کره‌ی ناو میوه‌ له‌ مادده‌ی فرکتۆز پێک هاتووه‌ و پاش خواردنی له‌ ڕێگه‌ی جگه‌ره‌وه‌ ئه‌گۆڕێت بۆ مادده‌ی گلوکۆز که‌ وه‌ک سه‌رچاوه‌ی وزه‌ به‌کار ده‌هێنرێت ئه‌مه‌ش ده‌بێته‌ هۆی به‌رزبوونه‌وه‌ی ئاستی شه‌کری ناو خوێن و ئه‌گه‌ر به‌کار نه‌هێنرا ؛ ده‌گۆڕێت بۆ چه‌وری و له‌ ناو له‌ش هه‌ڵ ده‌گیرێت ۰
--- فرکتۆز لە سەوزەش دا هەبە بە ڕێژیەکی کەمتر بۆ نموونە لە ناو پیاز و سیر و بڕۆکلی .
--- تەنانەت لە ڕێجیمی کیتۆدا کە یەکێکە لە خێراترین ڕێجیمەکان بۆ دابەزاندنی کێش ، هەندێک جۆری میوە ڕێگە پێدراوە وەک بلۆبێری ، ئەڤۆگادۆ .
ــــ شه‌کری ناو میوه‌ زۆر جیاوازە له‌به‌ر ئه‌م هۆکارانه‌ :
۱ ـــ کاتێ شه‌کری ناو میوه‌ زیانی هه‌یه‌ که‌ بڕێکی زۆری لێ بخورێت ؛ ئه‌مه‌ش ئه‌گه‌رێکی زۆر زه‌حمه‌ته‌ چونکه‌ گه‌دده‌ی مرۆڤ جێگه‌ی ئه‌و بڕه‌ زۆره‌ ناگرێت ۰
۲ ـــ شه‌کری ناو میوه‌ به‌ بڕێکی که‌م و به‌ هێواشی ده‌چێته‌ جگه‌ر چونکه‌ هه‌رسکردنی میوه‌ پێویستی به‌ کاتێکی زۆر هه‌یه‌ هه‌ر له‌ جوین و قوتدان و قۆناغه‌کانی تری هه‌رسکردن و هه‌ڵمژینی بۆ ناو خوێن ۰
۳ ـــ چونکه‌ مرۆڤ هه‌ست به‌ تێری ده‌کات پاش خواردنی میوه‌ ؛ بۆیه‌ ڕێگری ده‌کات له‌ زۆر بوونی کێش و قه‌ڵه‌وی و زیاد بوونی چه‌وری له‌ش ۰
٤ ـــ میوه‌ ده‌وڵه‌مه‌نده‌ به‌ ئاو و ڕیشاڵ و مادده‌ دژه‌ئۆکسانه‌کان و ڤیتامین و کانزاکان : بۆیه‌ زۆر گرنگن بۆ ته‌ندروستی له‌ش به‌ تایبه‌ت جگه‌ر و پاک کردنه‌وه‌ی له‌ش له‌ مادده‌ ژه‌هراوه‌یه‌کان : بۆیه‌ میوه‌ ناگوڕێت له‌ ناو له‌ش بۆ ژه‌هر وه‌ک هه‌ندێک که‌س بانگه‌شه‌ی بۆ ده‌که‌ن ۰
--- کۆمه‌ڵێک تێبنی گرنگ :
۱ ـــ میوه‌ی وشکراو بڕێکی زیاتری وزه‌ی تێدایه‌ ؛ بۆیه‌ پێویسته‌ که‌می لێ بخورێت ۰
۲ ـــ شه‌ربه‌تی میوه‌ی ئاماده‌کراو و فرێش بڕێکی وزه‌ی تێدایه‌ ؛ زۆر گرنگه‌ نه‌خورێنه‌وه‌ ۰
ـــ له‌م حاڵه‌تانه‌دا نابێت میوه‌ بخورێت :
۱ ـــ ئه‌و که‌سانه‌ی حه‌ساسیه‌تیان به‌ مادده‌ی فرکتۆز هه‌یه‌ که‌ نیشانه‌ی خۆی هه‌یه‌ و به‌ فه‌حس ده‌رئه‌که‌وێت ۰
۲ ـــ له‌ کاتی ڕێجیمی کیتۆدا ، تەنها هەندی جۆری میوە ڕێگەپێدراوە .

دکتۆر کامه‌ران رسوڵ ژاژڵه‌یی
پسپۆڕی زانستی خۆراک

 

Bestun Latef

نیشانەکانی پیری چۆن دەردەکەون ؟

هیرۆشی هیرایزۆمی پرۆفیسۆری یابانی دەڵێ: هەستکردن بە پیربوون یان دەرکەوتنی نیشانەکانی پیری لای کەسانێک، ئەوە دەردەخات کە ئەو کەسانە چالاکیی جەستەییان زۆر کەم و سستبووە، کە پێویستە هەندێک راهێنان و جووڵەی وەرزشی ئەنجام بدەن، زۆر جار کەسانێک نیشانەی پیرییان لێ دەردەکەوێت، کە هێشتا نەگەیشتوونەتە تەمەنی پیری، واتە زوو پیربوون. ئەوانەی زوو پیردەبن، ئەو کەسانەن کە زۆربەی کاتەکانیان بە دانیشتن و کەمیی جووڵە بەسەر دەبەن، بەتایبەتی لە سەردەمی پێشکەوتنی تەکنۆلۆژیادا، کەوای کردووە خەڵکی کەمتر ئەندامانی لەشیان دەجووڵێت، یان بەدخۆراکن، یانیش زۆرخۆرن، بە تایبەتی خواردنی درەنگانی شەو.

کۆمپانیای زەبەلاحی ئۆدی نوێترین جۆری ئۆتۆمبیلی دەخاتە بازارەوە

کۆمپانیای زەبەلاحی ئۆدی لە بەرھەمێکی نوێیدا ئۆتۆمبیلێکی خستە بازارەکانی جیھانەوە کە بەشێوازێکی زۆر بەھیز و دیزاینێکی سەرسورھێنەر دروستی کردووە .

بە پێی ھەواڵێک کە لە ماڵپەری "moto١ " بڵاوکراوەتەوە ، باس لە نوێترین ئۆتۆمبیلی ئۆدی دەکات ، کۆمپانیای ئۆدی یەکێک لە نوێترین و باشترین و بەھێزترین ئۆتۆمبیلەکانی لە جۆری " Q5 " دەخاتە بازارەوە ،ھاوکات ئۆتۆمبیلەکە بە جۆرێک دیزاینکراوە کە بەرگەی بەریەک کەوتن بکەوێت و ڕوخسارێکی بەھێزیشی پێ بەخشیوە کە ھاوشێوەی ئۆتۆمبیلی جۆری گرۆس ئۆڤەری وەرزشییە و ئۆتۆمبیلە نوێیەکەش قەبارەکەی کەمێک لە ئۆتۆمبیلەکانی پێشوتری " Q5 " گەورەترە .

 

لەگەڵ ئەوەشدا، درێژی ئۆتۆمبیلەکە ٤ مەتر و ٦٨ سم و پانییەکەشی ١٨٧ سم ، بەرزیەکەی ١٦٦ سانتیمەتر دەبێت .

 

ئەوەی جێی سەرنجە ئەو جۆرە نوێیەی ئۆتۆمبیلەکە چەندین تایبەتمەندی جیاواز وسەرنجڕاکێشی ھەیە کە لەوانەی تر جیادەکاتەوە ، ئەو ھێزە گەورەی ئەم ئۆتۆمبیلە بە بزوێنەرێکی ٨ پستۆنی پشتیوانی دەکرێ کە ھێزی ٢٤٥ ئەسپی ھەیە ، لەگەڵ گێربۆکسێکی ٨ نمرەیی .لە ناوەوەش کابینەیەکی فراوانی ھەیە کوشنەکانیشی بە جڵد و دار دیزاینکراوە.

 

ھەورەھا ئۆتۆمبیلەکە دەتوانێت لە ماوەی ٦ چرکە یان کەمتردا خێزاییەکی لە سفرە و بگەیەنێتە ١٠٠ کیلۆمەتر لە سەعاتێکدا .

 

ئۆدی کۆمپانیایەکی ئەڵمانییە ، تایبەتە بە دروستکردنی ئۆتۆمبیل ئەو کۆمپانیایە سەر بە گروپی کۆمپانیایاکانی فۆلکسواگۆنە و مێژووی دامەزراندنی کۆمپانیاکەش بۆ ساڵی ١٨٩٩دەگەرێتەوە .

شاجوانی گه‌ردوون هه‌ڵبژێردرا

 

 

ئه‌ندریا میسا خانمێكی گه‌نجی مه‌كسیكیه‌ و بوه‌ براوه‌ی‌ نازناوی شاجوانی گه‌ردوون بۆ ساڵی 2021، میسا وه‌ك پرۆگرامساز كارده‌كات و دژی توندوتیژی كۆمه‌ڵایه‌تیه‌.

ئه‌م خانمه‌ ته‌مه‌نی 26 ساڵه‌ و له‌لایه‌ن شاجوانی هه‌ڵبژێردراوی گه‌ردوون بۆ ساڵی 2019 تاجی ئه‌ڵماسی كرایه‌ سه‌ر و پله‌ی‌ دووه‌می كێبڕكێكه‌ خانمێكی به‌رازیلی بووه‌ خاوه‌نی.