لیژنەیەکی سەربە نەتەوە یەکگرتوەکان رایدەگەیەنێت: گروپەکانی سەر بەتورکیا لە عەفرین و سەرێکانی چەندین تاوانی ئەشکەنجەدانیان بەرامبەر بە هاوڵاتیانی کورد ئەنجامداوە.
لیژنەی نەتەوە یەکگرتوەکان بۆ لێکۆڵینەوە لە دۆخی سوریا لە 24ەمین راپۆرتی خۆیدا رایگەیاندوە: گروپە چەکدارەکانی نزیک لە تورکیا لە ناوچەکانی عەفرین و سەرێکانی لە رۆژئاوای کوردستان لە رفاندن، ئەشکەنجەدان و دەستدرێژی بۆ سەر هاوڵاتیانی کورد بەردەوامن.
کارێن ئەبو زەید، سەرۆکی لیژنەی نەتەوە یەکگرتوەکان بۆ لێکۆڵینەوە لە دۆخی سوریا ئاماژەی بەوەداوە سوپای سوریا لە ناوچەکەدا بە شێوەی نایاسایی بەردەوامبوە لە بێبەشکردنی کورد لە ئازادیەکان.
ئەمە لەکاتێکدایە هەفتەی رابردو، کۆمیسیاری باڵای نەتەوە یەکگرتوەکان داوای لە تورکیا کرد کە لێکۆڵینەوەیەکی بەپەلە لە زیادبونی تاوانەکانی کوشتن، رفاندن و دەستبەسەرداگرتنی سەروەت و سامان لە ناوچەکانی عەفرین، سەرێکانی و گرێ سپی بکا
