بەهۆی گرانی نرخی بەنزینەوە لە كەلار خۆپیشاندان دەستیپێكرد و خۆپیشاندەران و شۆفێران رێگای گەرمیان – سلێمانییان داخست و داوای هەرزان كردنی نرخی بەنزین دەكەن.
بەپێی زانیاریەكان، ژمارەیەك شۆفێر لە قەزای كەلار گردبوونەوەیەكی ناڕەزاییەتیان لە دژی گران بوونی نرخی بەنزین ئەنجامدا و رێگەی سەرەكی “گەرمیان – سلێمانی”ییان داخست، داوا دەكەن نرخی بەنزین هەرزان بكرێت.
نرخی بەنزین بەردەوامە لە بەزربوونەوە و نرخی یەك لیتر بەنزینی نۆرماڵ لە هەزار دینار نزیك بووەتەوە، ئەوەش بارگرانی بۆ شۆفێران بەتایبەتی خاوەنی ئۆتۆمبێلە كرێكان دروست كردووە.
بەرزبوونەوەی بەردەوامی نرخی بەنزین لەكاتێكدایە كە لە ناوچەكانی تری عێراق نرخی یەك لیتر بەنزینی نۆرماڵ تەنها 450 دینارە، شۆفێرانیش لە چەندین ناوچەی هەرێمی كوردستان خۆپیشاندان رێكدەكەخەن و رێگە سەرەكیەكان دەگرن و داوا دەكەن نرخەكان وەك ناوچەكانی تری عێراقیان لێ بكرێت.
