ره‌وتی حیكمه‌ی نیشتمانی كه عه‌مار حه‌كیم سه‌رۆكایه‌تی ده‌كات ئه‌مڕۆ سێشه‌ممه ڕایگه‌یاند، به‌شداری له‌پێكهێنانی حكومه‌تی نوێ ناكات، له‌به‌رئه‌وه‌ی كورسی پێویستیان نه‌هێناوه كه به‌پێی خواستی جه‌ماوه‌ر و لایه‌نگرانیان بێت.
محه‌مه‌د ئه‌لكاش، سه‌ركرده له ره‌وتی سه‌در رایگه‌یاند، “دۆسیه‌ی به‌شداریكردن له حكومه‌ت پێویستی به ژماره‌یه‌كی زۆری كورسی هه‌یه، ره‌وتی حیكمه‌ش ته‌نها 3 (سێ) كورسی به‌ده‌ستهێناوه، بۆیه به‌و ژماره‌یه ناتوانن خواست و داواكاریه‌كانی هاوڵاتیان و جه‌ماوه‌ره‌كه‌یان جێبه‌جێبكه‌ن”.
وتیشی، “قۆناغی داهاتو جه‌خت له‌سه‌ر دروستكردن و بنیادنانه‌وه‌ی ناوخۆیی ره‌وتی حیكمه ده‌كه‌نه‌وه، بۆیه به‌شداری له‌حكومه‌تی داهاتو ناكه‌ین”.
ڕونیشیكرده‌وه، “پێگه‌ی ئێمه له‌سه‌ر چوارچێوه‌ی هه‌ماهه‌نگی كێشه‌یه‌كی نییه، ئامانج ئه‌وه‌یه ڕاستییه‌كان سه‌باره‌ت به‌پڕۆسه‌ی هه‌ڵبژاردن و ئه‌و ساخته‌كارییه‌ی كه ڕویانداوه بخرێنه‌ڕو تاوه‌كو شته‌كان ڕون ببنه‌وه”.
محه‌مه‌د ئه‌لكاش باسی له‌وه‌شكرد، ره‌وتی حیكمه به سه‌رۆكایه‌تی عه‌ممار حه‌كیم یه‌كێكه له‌و هێزانه‌ی كه بۆ چوارچێوه‌ی هه‌ماهه‌نگی پێكهاتوه و پێشتر ڕه‌تكردنه‌وه‌ی ئه‌نجامه‌كانی هه‌ڵبژاردنه‌كانیشی به‌ئاشكراخستوه‌ته‌ڕو.
