لە هەشت میحوەرەوە پرۆسەیەكی سەربازی دەستی پێكرد

حەشدی شەعبی بڵاویكردەوە، لەگەڵ سوپای عێراقی پرۆسەیەكی سەربازی گەورەیان لە زنجیرە چیاكانی حەمرین دژی پاشماوەكانی رێكخراوی داعش لە 8 میحوەرەوە دەست پێكردووە.
حەشدی شەعبی لە بەیاننامەیەكدا بڵاویكردووەتەوە، فەرماندەیی پرۆسەكانی دیالەی حەشدی شەعبی و سوپا، پرۆسەیەكی سەربازی گەورەیان لە 8 میحوەرەوە دەست پێ كردووە.
رونیشكراوەتەوە، پرۆسەكە لە ناوچەكانی رێگەی “بەغدا – كەركوك”، رێگەی “قەرەتەپە” و “زنجیرە چیاكانی حەمرین” لە پارێزگای دیالە بەڕێوە دەچێت و بۆ راوەدونانی پاشماوەكانی رێكخراوی داعشە، هێرش دژی هێزە ئەمنییەكان و هاوڵاتیانی مەدەنی ئەنجام دەدەن.
جەخت لەوەش كراوەتەوە، پرۆسەكە لەسەر زانیاری هەواڵگری بووە بۆ كۆتایی هێنان بە چالاكیەكانی ئەو چەكدارانە، هەروەها لەلایەن هێزی ئاسمانی عێراقی و فڕۆكەكانی سوپاوە پاڵپشتی دەكرێن.

پەیوەندیدار