فازڵ حاجی وتەبێژی بەڕێوەبەرایەتی هاتووچۆی هەولێر رایگەیاند، وەك كارئاسانییەك بۆ شۆفێران لەمڕۆ دووشەممەوە هاوڵاتیان دەتوانن بەبێ دەفتەری خروجییە تابلۆی ئۆتۆمبێلەكان بگۆڕن بۆ تابلۆی باریكی ئینگلیزی و تاكە مەرج گۆڕینی مۆڵەتەكەیانە بۆ مۆڵەتی نێودەوڵەتی.
فازڵ حاجی رایگەیاندووە، هاووڵاتییەكی زۆر سەردانی هاتووچۆی هەولێریان كردووە بەمەبەستی گۆڕینی تابلۆی ئۆتۆمبێلەكانیان بۆ تابلۆی باریكی ئینگلیزی و توانای داراییان رێگەیان پێنادات كە دەفتەری خروجیە بۆ ئۆتۆمبێلەكانیان دەربێنن.
هێمای بۆ ئەوەش كردووە، بۆیە وەكو هاوكارییەك بۆ هاووڵاتییان بڕیار درا لە رۆژی دووشەممەوە كە دەكاتە 15ی 11ی 2021 دەتوانن تابلۆی ئۆتۆمبێلەكانیان بگۆڕن بەبێ دەرهێنانی دەفتەری خروجییە.
وتەبێژی هاتووچۆی هەولێر جەختی لەوەش كردووەتەوە، تاكە مەرج بۆ پێدانی تابلۆكە بە شۆفێران گۆڕینی مۆڵەتەكەیانە بۆ مۆڵەتی نێودەوڵەتی كە رێكارەكانی لە بەڕێوەبەرایەتی گشتی هاتووچۆ تەواو دەكرێت.
bestun…
