ڕابیتەی خولی ئیسپانیا بەشێوەیەکی فەرمی ڕەزامەندی خۆی نیشاندا بۆ دەستبەکاربونی چاڤی ڕاهێنەری بەرشەلۆنە.
ڕابیتەی خولی ئیسپانیا لە بڵاوکراوەیەکی فەرمیدا بڕیاریدا ڕەزامەندی نیشانبدات تا چاڤی هێرناندێز وەک ڕاهێنەری نوێی بەرشەلۆنە لەجێگای ڕۆناڵد کومانی هۆڵندی دەستبەکاربێت.
کومان بەهۆی ئەنجامە خراپەکانەوە لە پۆستەکەی دوورخرایەوە و دواتر یانە کەتەلۆنیەکە بڕیاریدا چاڤی تا 2024 بکاتە ڕاهێنەری یانەکەی کاتێک گرێبەستەکەی لەگەڵ یانەی سەدی قەتەری هەڵوەشاندەوە.
چاڤی لەیەکەم یاری فەرمی خۆیدا لەگەڵ بەرشەلۆنە لە هەفتەی چواردەیەمی خولی ئیسپانیا لە یاریگای کامپ نۆ ڕووبەڕووی ئیسپانیۆل دەبێتەوە.
بەرشەلۆنە لەئێستادا بە کۆکردنەوەی 17 خاڵ لە پلەی نۆیەمی ڕیزبەندی خولی ئیسپانیادایە و یاریەکی دواخراویشی ماوە تا ئەنجامی بدات.
