ڕابیتەی لالیگای ئیسپانی کاتی بەڕیوەچوونی یارییە دواخراوەکانی ڕیاڵ مەدرید و ئەتلەتیکۆ و بەرشەلۆنەی دیاریکرد.
لە ڕاگەیاندراوێکدا ڕابیتەی خولی تۆپی پێی یانەکانی ئیسپانیا، کاتی بەڕێوەچوونی یارییە دواخراوەکانی ڕیاڵ مەدرید و بەرشەلۆنە و ئەتلەتیکۆ مەدرید و ڤیاریاڵی دیاریکرد کە سەرجەمیان لە مانگی 12ی داهاتوودا دەکرێت.
لە ڕاگەیاندراوەکەدا هاتووە، یاری دواخراوی ڕیاڵ مەدرید وئەتلەتیک بلباو لە هەفتەی نۆیەمی لالیگا لە یەکی سەرەتای مانگی داهاتوو بەڕێوەدەچێت و یاری دواخراوی بەرشەلۆنەش بەرامبەر سیڤیلییە و ڤیاڕیاڵ دژی ئالاڤێس لە 21ی مانگی 12 ئەنجامدەدرێت و سەبارەت بە یارییە دواخراوەکەی ئەتلەتیکۆ بەرامبەر گرانادا لە 22 ی هەمان مانگ دەبێت.
لە خولی ئیسپانیا، یانەی ڕیاڵ مەدرید سەرەڕای یارییەکی دواخراو بە 27 خاڵ و بە جیاوازی خاڵێک لە دوای سۆسیدای پێشەنگەوە دەبینرێت و ئەتلەتیکۆش بە 23 لە پلەی چوارەمە و بەرشەلۆنەش بە 17 خاڵ لە ڕیزبەندی نۆیەمدایە.
