بە فەرمی لیۆنێل میسی بۆ حەوتەمین جار لە مێژوویدا خەڵاتی تۆپی ئاڵتونی بەدەستهێنا.
لە ئاهەنگی گۆڤاری فرانس فوتبۆلدا بۆ دیاریکردنی باشترینەکانی جیهان لە ساڵی 2021دا، بەفەرمی لیۆنێل میسی ئەستێرەی ئەرجەنتین و یاریزانی پێشووی یانەی بەرشەلۆنە و ئێستای پاریس سان جێرمان وەک باشترین یاریزانی جیهان دیاریکرا و بۆ حەوتەمین جارە مێژوویدا توانی خەڵاتی تۆپی ئاڵتون بباتەوە.
ڕۆبێرت لیڤاندۆڤسکی هێرشبەری بایرن میونشن پلەی دووەمی ڕیزبەندیەکەی بەدەستهێنا.
جۆرجینیۆی یاریزانی چێڵسی و کەریم بنزیمەی هێرشبەری ڕیاڵ مەدرید و کانتی یاریزانی چێلسی پلەکانی سێیەم و چوارەم و پێنجەمی خەڵاتی بالۆن دۆریان بەدەستهێنا.
لە پلەکانی شەشەم تا هەشتەمی خەڵاتی بالۆن دۆر هەریەکە لە کریستیانۆ ڕۆناڵدۆ و محەمەد سەڵاح و کیڤن دی برۆین بینران.
لە پلەکانی نۆیەم و دەیەمی خەڵاتی تۆپی ئاڵتوندا هەریەکە لە کیلیان مباپێ و جیانلویجی دۆنارومای یاریزانانی پاریس سان جێرمان دەبینرێن.
