لە خولی ئیسپانیا ڕیاڵ مەدرید بە گۆڵێکی بێبەرامبەر بردنەوەی بەسەر ئەتلەتیک بلباو بەدەستهێنا.
لە یارییەکی دواخراوی خولی ئیسپانیدا، یانەی ڕیاڵ مەدرید لە یاریگای سانتیاگۆ بێرنابیۆ میوانداری یانەی ئەتلەتیک بلباوی کرد.
ڕیاڵ مەدرید بە زەحمەت و بە گۆڵێکی بێبەرامبەر یاریەکەی لە بلباو بردەوە، تاکە گۆڵی یاریەکەش کەریم بنزیمە لە خولەکی ٤٠دا تۆماریکرد.
بەم ئەنجامە، ڕیاڵ مەدرید بە کۆکردنەوەی ٣٦ خاڵ پێشەنگی ڕیزبەندی خولی ئیسپانیای بەهێزتر کرد، بلباویش بە ٢٠ خاڵ لە پلەی هەشتەمدایە.
