باوکی دی یۆنگ ئاشکرایکرد پێنج یانە هەوڵی گواستنەوەی کوڕەکەی دەدەن و یانەکەشی پێویستی بە پارەیە.
لە ڕۆژانی ڕابردوودا چەندین ڕاپۆرتی ڕۆژنامەنوسی ئاماژەیان بەوەکرد کە زیاتر لە یانەیەک خواستی گواستنەوەی فرانکی دی یۆنگی هۆڵندی ئەستێرەی بەرشەلۆنەی ئیسپانیان هەیە کە دیارترینیان مان یونایتد و مان سیتی و بایرن میونشنە.
باوکی دیۆ یۆنگ لە لێدوانێکی بۆ ڕۆژنامەی سپۆرتی کەتەلۆنی وتی: بارودۆخی یاریکردن لەو وڵاتانە زۆرباشە، دڵنیام بەرشەلۆنە پێویستیەکی زۆری بە پارە هەیە و ڕەنگە ڕۆشتنی دی یۆنگ یارمەتیدەربێت بەڵام پێشبینی ئەوە ناکەم لە یانەکەی بڕوات.
وتیشی: لەگەڵ ئەوانەشدا کوڕەکەم لەلایەن پێنج یانەی بەهێزەوە داواکراوە و دەرگای ڕۆشتنی بەسەر کوڕەکەیدا دانەخست و بە ئەگەرێکی کراوە هێشتیەوە.
دی یۆنگ لە ساڵی 2019 لە ئەیاکس ئەمستەردامەوە ڕویکردە یانەی بەرشەلۆنە بەڵام تائێستا ئامانجەکانی لەگەڵ ئەو یانەیە بەدەستنەهێناوە.
