تیروپشکی جامی کاراباو ڕاکێشرا و دێربی لەندەنیش لەنێوان چێڵسی و تۆتنهام دەبێت.
پاش سەرکەوتنی یانەکانی چێڵسی و لیڤەرپوڵ و تۆتنهام و ئارسناڵ بۆ قۆناغی پێشکۆتایی جامی کاراباو، ڕابیتەی یانەکانی ئینگلتەرا تیروپشکی ئەو قۆناغەی ئەنجامدا و هەردوو یارییەکەش ئاگرین دەبێت کە یەکێکیان یاری دێربیە.
لە ئەنجامی تیروپشکەکەدا یانەی لێڤەرپوڵ پاش ئەوەی بە لێدانە یەکلاکەرەوەکان یانەی لیستەر سیتی تێپەڕاند، لەو قۆناغەدا بەرامبەر ئارسناڵ یاری دەکات و یانەی تۆتنهامیش بە سەرپەرشتی کۆنتی ڕووبەڕووی چێڵسی بە سەرکردایەتی تۆخێل دەبێتەوە.
یارییەکانی چوونی جامی کاراباو لە سێ و چواری کانوونی دووەمی داهاتوو بەڕێوەدەچێت و 11 و 12ی هەمان مانگیش یارییەکانی گەڕانەوە ئەنجامدەدرێت یاری کۆتایی جامەکەش لە 27ی مانگی شوباتی داهاتوو لە یاریگای ویمبڵی دەبێت.
