حکومەتی لیبیا بڵاویکردەوە، لە چەند رۆژی رابردو تەرمی 28 کۆچبەر لە کەنار دەریای قەسر دۆزراونەتەوە کە هەندێکیان منداڵن و تائێستاش ناسنامەیان نادیارە.
حکومەتی لەراگەیەنراوێکدا باسی لەوەشکردوە، رۆژی 25ی ئەم مانگە تەرمی 28 کۆچبەر دۆزراوەتەوە، ئەو کۆچبەرانەش تائێستا ناسنامەیان نەزانراوە بەڵام وەک رێکخراوە مرۆییەکان دەڵێن زۆربەی کۆچبەران خەڵکی ئەفریقان.
بەگوێرەی ئامارێکی رێکخراوی نێودەوڵەتی کۆچێش لە 10مانگی سەرەتای ئەمساڵدا زیاتر لە 100 هەزار کۆچبەر بە دەریای ناوەڕاستدا بەرەو ئەوروپا کۆچیان کردووە، لەو ژمارەیەش لانیکەم 1500 کەسیان خنکاون.
