بەیانی ئەمڕۆ ٢٨ ی کانوونی یەکەم نرخی نەوت بە هەردوو جۆرەکەیەوە، برنت و خاوی ئەمەریکی بە شێوەیەکی بەرچاو لە بازاڕەکانی جیهانی نەوتدا بەرزدەبێتەوە.
نرخی یەک بەرمیل نەوتی برنت لە ئێستادا بە ٧٨ دۆلار و ٣٤ سەنت مامەڵەی پێوە دەکرێت، لە دوا داخستندا بە ٧٨ دۆلار و ٢٢ سەنت بوو، هەفتەیەک لەمەوپێش لە دەوری ٧٠ دۆلار بوو.
نرخی یەک بەرمیل نەوتی خاوی ئەمەریکی لە ئێستادا بە ٧٥ دۆلار و ٨١ سەنتە، لە دوا داخستندا بە ٧٥ دۆلار و ٥٧ سەنت بوو.
دوای ماوەیەک لە دابەزینی نرخی نەوت، سێ رۆژە سەر لەنوێ بەرزدەبێتەوەو خەریکە نزیک دەبێتەوە لە نرخی دوو مانگی پێشوو کە لەسەر ٨٠ دۆلارەوە بوو، ئەمەش پەیوەندی بە داخوازی بازاڕی جیهانییەوە هەیە لەسەر نەوت.
