كۆمپانیای BYD ئۆتۆمبێلێكی نوێی ئاشكرا كرد كە زۆرێك لە شارەزایان بە ركابەری ئۆتۆمبێلی جۆری كامری كۆمپانیای تۆیۆتای دەزانن.
ئۆتۆمبێلی BYD Destroyer 05 خاوەنی دیزاینێكی جوان و سەرنجڕاكێشە، درێژییەكەی 4 مەتر 78 سانتیممەترە و مەودای نێوان تایەكانی 271 سانتیممەترە.
كوشنەكانی ئۆتۆمبێلەكە تایبەت بە پێنج سەرنشین دروستكراوە و تایبەتمەندی گەرمی و ساردییان هەیە، هەروەها شاشەیەك لە ناو ئۆتۆمبێلەكە هەیە بە قەبارەی 15.8 ئینج كە بە لەمس كار دەكات و سیستەمێكی پێشكەوتوی مەڵتی میدیای لەسەرە.
ئۆتۆمبێلە چینییەكە تایبەتمەندی چاودێری كامێرای هەیە، هەروەها تایبەتمەندی نەهێشتنی هەڵم و تەمی سەر جام و ئاوێنەكانی هەیە و دەتوانێت بە رێگا سەخت و دژوارەكان بڕوات.
بزوێنەرێكی ئۆتۆمبێلەكە لە جۆری بەنزینە بە فراوانی 1.5 لیتر و كێشی 110 ئەسپی هەیە، هەروەها بزوێنەرێكی تری جۆری هەجینی هەیە بە كێشی 197 ئەسپ.
