لە جامی شای ئیسپانیا ڕیاڵ مەدرید بردنەوەی بەسەر ئەلکۆیانۆ بەدەستهێنا و گەیشتە قۆناغی 16.
لە درێژەی یارییەکانی قۆناغی 32ی جامی شای ئیسپانیا، یانەی ئەلکۆیانۆ لە یاریگای خۆی میوانداری یانەی ڕیاڵ مەدریدی کرد.
لە خولەکی 39 ئیدێر میلیتاو گۆڵێکی بۆ ڕیاڵ کرد و ئەو تایمەی بە گۆڵێکی بێبەرامبەر لە سوودی یانەکەی کۆتایی پێهێنا.
لە تایمی دووەمدا و لە خولەکی 66 دانی ڤێگا گۆڵی یەکسانی بۆ ئەلکۆیانۆ کردەوە بەڵام لە خولەکەکانی 76و 80 مارکۆ ئەسێنسیۆ و ئیسکۆ دوو گۆڵی تریان بۆ ڕیاڵ کرد و یاریەکەش بە سێ گۆڵ بەرامبەر گۆڵێک لە سوودی ڕیاڵ مەدرید کۆتاییهات.
بەم ئەنجامە، ڕیاڵ مەدرید سەرکەوتنی بۆ قۆناغی 16 ی جامەکە بەدەستهێنا و ئەلکۆیانۆ ماڵئاواییکرد.
