بەشێوەیەکی چاوەڕواننەکراو ئیسکۆ لەگەڵ بەرشەلۆنە ڕیککەوتنی سەرەتایی ئەنجامداوە.
گرێبەستی ئیسکۆی ئیسپانی یاریزانی یانەی ڕیاڵ مەدرید هاوینی داهاتوو لەگەڵ یانەکەی کۆتایدێت و لەئێستاشدا هیچ گفتوگۆیەک نیە دەربارەی نوێکردنەوەی گرێبەستەکەی.
پڕۆگرامی چیرنگیتۆی ئیسپانی ڕایگەیاند کە چاڤی هێرناندێزی ڕاهێنەری یانەی بەرشەلۆنە لە ڕۆژانی ڕابردوودا دەربارەی گواستنەوەی بۆ کامپ نو گفتوگۆی لەگەڵ ئیسکۆ ئەنجامداوە.
پڕۆگرامەکە ئاماژەی بەوەشکرد کە بەرپرسانی بەرشەلۆنە و ئیسکۆ ڕێککەوتنی سەرەتاییان ئەنجامداوە بۆ ئەوەی لەکۆتایی ئەم وەرزەدا گرێبەستەکە ئەنجام بدەن.
ڕاپۆرتە ڕۆژنامەنوسیەکان جەختیان لەوەکردەوە یانەی ڕیاڵ مەدرید دەیەوێت لەم مانگەدا ئیسکۆ بفرۆشێت و بۆ چەندین یانەی پێشنیار کردووە بەڵام تائێستا هیچ گرێبەستێکی فەرمی بوونی نیە.
ئیسکۆ لەم وەرزەدا بەشداری 10 یاری ڕیاڵ مەدریدی کردووە کە تەنیا 195 خولەک بووە و توانیویەتی گۆڵێکیش تۆماربکات.
