چاڤى هێرناندێزى ڕاهێنەرى یانەى بەرشەلۆنە لە کۆنفرانسێکى ڕۆژنامەنوسیدا پێش یارییەکەى ئەمرۆ بەرامبەر ڕیاڵ مەدرید لە جامى سوپەرى ئیسپانیا ئاماژەى بەوەکرد، ئەم یارییە هەلێکە بۆ بردنەوەى نازناو و ڕکابەرەکەشیان لە باشترین بارودۆخیدایە لە خولى ئیسپانیا، بەڵام هەردەم کلاسیکۆ دۆخێکى جیاوازى هەیە.
چاڤى دووپاتیکردەوە ئەمرۆ هەموان دەزانن کێ یارى دەکات و ئامادەبوونى پێدرى و تۆرێسیش هەواڵێکى خۆشە بۆ ئەوان، بەڵام پێویستە سەرەتا بزانن تا چەند بۆ یاریکردن ئامادەن و دەشڵێت ئەمرۆ دەبێت خاڵى وەرچەرخان بێت و بردنەوەى یارییەکە گرنگە و هەر وەک یارى کۆتایى وایە و لەویش گرنگتر بەدەستهێنانى نازناوى جامەکەیە”.
چاڤى پێیوایە لە چەند ڕوویەکەوە تیپەکەى بەرەو پێشەوەچووە و هەموو یاریزانەکانى تواناى درووستکردنى جیاوازییان هەیە و کلاسیکۆش تاقیکردنەوەیەکى گونجاوە بۆ زانینى تواناکانى تیپەکەیان.
چاڤى گەشبینە بە تیپەکەى، کە تەنیا دوو مانگە سەرپەرستى دەکات و کاردەکەن و تێدەکۆشن بەپێى تواناى خۆیان و پێیوایە پێویستیشیان بەکات هەیە بۆ گەشەکردن.
