ئا : بێستون لەتیف – ئێستانیوز
د. سەباح هەورامی بەڕێوەبەری گشتی تەندروستی پارێزگای سلێمانی رایگەیاند، 10 حاڵەتی گومانلێكراوی ئۆمیكرۆنیان رەوانەی تاقیگەی مەركەزی لە بەغداد كردووە، بەڵام تاوەكو ئێستا هیچ حاڵەتێكی ئۆمیكرۆن لە سلێمانی تۆمارنەكراوە.
د. سەباح هەورامی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردوەتەوە، 10 حاڵەتی گومانلێكراوی ئۆمیكرۆنیان رەوانەی تاقیگەی مەركەزی لە بەغدا كردوە، هەفتەی داهاتوش ئەنجامی پشكنینەكان لە بەغدا دەگەڕێنەوە.
بەڕێوەبەری گشتی تەندروستی پارێزگای سلێمانی هێمای بۆ ئەوەشكردوە، تاوەكو ئێستا هیچ حاڵەتێكی ئۆمیكرۆن لە سلێمانی تۆمارنەكراوە.
ماوەیەكە لەلایەن وەزارەتی تەندروستی و پسپۆرانی بواری تەندروستی هۆشداری دەدرێت لە خێرا بڵاو بونەوەی ڤایرۆسی ئۆمیكرۆن، داوا لە هاوڵاتیان دەكەن رێنماییە تەندروستیەكان جێبەجێ بكەن بە مەبەستی خۆپارێزییان لە ڤایرۆسەكە.
