فیفا پێکهاتەی باشترینەکانی جیهانی 2021ی دیاریکرد و کریستیانۆ و میسی وەک هەمیشە لەپێکهاتەکەدان.
یەکێتی تۆپی پێی جیهان لە مراسیمی دابەشکردنی خەڵاتەکانی زە بێست بۆ ساڵی 2021 پێکهاتەی باشترین 11 یاریزانی بڵاوکردەوە کە وەرزی ڕابردوو باشترین ئاستیان لەگەڵ یانە و هەڵبژاردەکانیان پێشکەش کردووە.
لە گۆڵپارێزدا جیانلویجی دۆناڕۆمای ئیتاڵی دێت هەرچەندە خەڵاتی باشترین گۆڵپارێزی ساڵ بەخشرایە ئێدوارد مێندی لە یانەی چێڵسی.
لە هێڵی بەرگریدا هەریەکە لە داڤید ئالابای نەمساوی و ڕۆبن دیازی پورتوگالی و لیۆناردۆ بۆنۆچی دەبینرێن.
هێڵێ ناوەڕاستی پێکهاتەکەش نگۆلۆ کانتی فەڕەنسی و کیڤن دی برۆینی بەلجیکی و جۆرجینۆی ئیتاڵی لەخۆدەگرێت.
هێڵێ هێرشبەری پێکهاتەکەش ئاگرینە و هەریەکە لە کریستیانۆ ڕۆناڵدۆی پورتوگالی و لیۆنێل میسی ئەرجەنتینی و لیڤاندۆڤسکی پۆڵەندی و هالاندی نەرویجی لەپێشەوەی پێکهاتەکەدان.
