ئەمڕۆ شهممه، نرخی نەوت لە بازاڕەکانی جیهاندا بەرزبووەوە و لە ئێستادا یەک بەرمیل نەوتی خاوی برێنت لە بازاڕی نەوتی جیھانیدا بە ٨٩ دۆلار و ٨٩ سەنت مامەڵەی پێوەدەکرێت.
ھاوکات، نرخی یەک بەرمیل نەوتی خاوی ئەمەریکی لە بازاڕی نەوتی جیھانیدا بە ٨٥ دۆلار و ١٤ سەنت مامەڵەی پێوەدەکرێت.
بەگوێرەی پێشبینییەکان لەمساڵدا بەراورد بە ساڵی رابردوو، خواست لەسەر نەوت زیاد دەکات و بۆ ٩٦ ملیۆن و ٤٠٠ ھەزار بەرمیل لە رۆژێکدا بەرز دەبێتەوە.
بەرزبوونەوەی ئەم دواییەی نرخی نەوت لەم مانگەدا بەهۆی پچڕانی خستنەڕووی نەوت لە هەندێ ناوچەی جیهان وەک هەرێمی کوردستان دێت کە بەتەنیا لەم مانگەدا نرخەکانی نەوتی بەرێژەی سەدا 10 بەرزکردەوە.
