وتەبێژی وەزارەتی تەندروستی عێراق رایگەیاند، بەهۆی پابەندنەبونی هاوڵاتیان بە رێکارە تەندروستیەکانەوە، لەئێستادا توشبوانی کۆرۆنا 30%یان ئۆمیکرۆنن، لەم کاتەشدا “مەترسی لەسەر خراپتربونی دۆخی تەندروستی عێراق هەیە.”
سەیف بەدر، وتەبێژی وەزارەتی تەندروستی عێراق بەکەناڵی سۆمەریە نیوزی راگەیاندوە، هاوڵاتیان پابەندی رێنماییە تەندروستییەکان نابن، ئەمەش بۆتە هۆی زیاتر بڵاوبونەوەی ڤایرۆسی کۆرۆنا و ئێستا 30%ی توشبوانی پەتاکە لە جۆری ئۆمیکرۆنن.
ئاماژەی بەوەشکرد، لەئێستا مەترسی لەسەر خراپتربونی دۆخی تەندروستی عێراق هەیە.
تائێستا ژمارەی توشبوان بە ڤایرۆسی کۆرۆنا لە عێراق دو ملیۆن کەسی تێپەڕاندوەو لەو رێژەیەش %96.5 یان چاکبونەتەوە.
