ئا : بێستون لەتیف – ئێستانیوز
یانەى واتفۆردى ئینگلیزى لە ڕاگەیەندراوێکدا ئاشکرایکرد، پۆستى ڕاهێنەرایەتى تیپى تۆپى پێى یانەکەى بە ڕۆى هۆدسۆنى ئینگلیزى ڕاهێنەرى پێشووترى هەڵبژاردەى ئینگلتەرا بەخشیوە.
بەمەش ڕۆى هۆدسۆنى 74 ساڵ جێگەى کلاودیۆ ڕانێرى ئیتاڵى دەگرێتەوە، کە ئەم لە چەند ڕۆژى کەمى ڕابردوودا لە پۆستەکەى دوورخرایەوە، بەهۆى ئەنجامە خراپەکانى یانەکەوە لە ژێر دەستى ئەودا.
ڕۆى هۆدسۆن پێشتر ڕاهێنەرایەتى ژمارەیەکى زۆر لە یانەکانى ناوەوە و دەرەوەى ئینگلتراى کردووە و بەپێى زانیارییەکانى پێگەى تراسفێر مارکێت لە کاروانى ڕاهێنەرایەتى خۆیدا سەرپەرشتى 844 یارى کردووە، 346 یارى بردووەتەوە و لە 217 یاریشدا یەکسانبووە، لە 281 یاریشدا توشى شکستبووە.
