چاڤی پەیامێکی توند ئاڕاستەی دیمبلی دەکات و بژاردەی مانەوە یان ڕۆشتن لە یەک هەفتەدا بۆ یاریزانە فەڕەنسییەکە دەنێرێت.
ڕۆژنامەی مارکای ئیسپانی بڵاویکردەوە، دوا کۆبوونەوە لە نێوان چاڤی و موسا سیسۆکۆ و مارکۆ لیشتاینەر دوان لە بەڕێوەبەرانی کاری دیمبلی ئەنجامدرا و ڕاهێنەرە ئیسپانییەکە زۆر بە توندی پەیامێکی ئاڕاستەی دیمبلی کردووە و داوای لێکردەوە یان مانەوە یان جێهێشتنی یانەکە لە یەک هەفتەدا و جارێکی تر بۆی نیە لە بەرشەلۆنە یاری بکات.
مارکا ئاشکرایکرد، سەرباری پەیامە توندەکەی چاڤی هیچ کاردانەوەیەک لەلایەن دوو بەڕێوەبەرەکەی دیمبلی نەبووە و دووپاتیانکردووەتەوە دیمبلی ئامادەیە بۆ وەرزێکی تر لە یانەکە بەردەوام بێت و کاراکتەری گرنگی ئەو پرۆژەیە بێت کە بەرشەلۆنە بە نیازە لە داهاتوویەکی نزیکدا جێبەجێی بکات.
لە نوێترین هەڵوێستیشدا دیمبلی ئامادەیی دەربڕیوە تا هاوینی 2023 لە کامپ نۆ بەردەوام بێت و هیوای خواستووە مەرجەکانی نوێکردنەوەی گرێبەستەکەی بە شێوەیەکی دۆستانە چارەسەر بکرێت و هاوکاری یانەکە بێت لە ڕکابەرییەکانی داهاتوودا.
