ئا : بێستون لەتیف – ئێستانیوز
نێد پرایس وتەبێژی وەزارەتی دەرەوەی ئەمریكا لە لێدوانێكدا رایگەیاند ئەمریكا ستایشی هێزەكانی سووریای دیموكرات هەسەدەی كرد بۆ وەڵامی پاڵەوانانەی هێرشەكانی داعش بۆ سەر حەسەكە.
راشیگەیاند، داوا لە هاوبەشەكانیان دەكەن بۆ باشكردنی ئاسایشی زیندانەكانی داعش و دووبارە شیاندنەوەیان.
وتەبێژی وەزارەتی دەرەوەی ئەمریكا داواشی كردووە وڵاتان تیرۆرستانی داعش كە لە گرتووخانەكانی رۆژئاوای كوردستاندا زیندانین بگەڕێننەوە بۆ وڵاتەكانی خۆیان.
دوێنێ هەسەدە ئاشكرایكرد لەئەنجامی گرژیی و شەڕەكانی حەسەكەدا 121 هاووڵاتی و شەڕڤان شەهید بوون.
هاوكات سەدان تیرۆرستی داعش كوژران و دەستگیركران لە میانەی ئۆپەراسیۆنی چەند رۆژەی هێزەكانی سووریای دیموكرات.
