ئەمڕۆ سێشەممە (15ی شوباتی 2022) نرخی یەک بەرمیل نەوتی خاوی برێنت لە بازاڕەکانی جیهاندا بە (96) دۆلار و (03) سەنت مامەڵەی پێوەکراوە.
بەرمیلێک نەوتی خاوی ئەمەریکیش (تەکساس) بە (94) دۆلار و (94) سەنت مامەڵەی پێوەکراوە.
هەرچەندە لە کۆتا مانگی (2021)، نرخی نەوت بەشێوەیەکی بەرچاو دابەزی، بەشێوەیەک داهاتی نەوتی عێراق لە مانگی کانونی یەکەمی رابردوو (533) ملیۆن دۆلار بەراورد بە مانگێک پێشخۆی کەمیکرد، بەڵام بەپێی پێشبینییەکان خواستی نەوت لە (2022) لەسەر نەوت زیاد دەبێت، ئەوەش دەبێتە هۆی بەرزبونەوەی نرخەکەی.
جگە لەوە، پرسی ئۆکرانیا و ئەگەری دروستبونی شەڕ لە نێوان روسیاو ئۆکرانیا، پێدەچێت کاریگەری بکاتە سەر بەرزبونەوەی نەوت و غازی سروشتی.
