لە چامپیۆنز لیگ بایرن میونشن و سالزبۆرگ یاریەکەیان بەیەکسانی و بە گۆڵێک کۆتاییپێهێنا.
لە یاری چوونی قۆناغی 16ی چامپیۆنز لیگ، یانەی بایرن میونشنی ئەڵمانی بوە میوانی یانەی سالزبۆرگی نەمساوی.
تایمی یەکەم لە سوودی سالزبۆرگ کۆتاییهات، گۆڵەکەش ئەدامۆ لە خولەکی 21 تۆماریکرد.
لە تایمی دووەمدا و لە خولەکی 90 کینگسلی کۆمان گۆڵی یەکسانی بۆ بایرن کردەوە و یاریەکەش بە گۆڵێک بۆ هەردوو یانە کۆتاییهات.
یاری گەڕانەوە لە مانگی داهاتوودا لە یاریگای ئالیانزی تایبەت بە بایرن میونشن ئەنجامدەدرێت.
