بەگوێرەی ئاژانسی “بلومبێرگ”ی ئەمریکی، کۆمپانیای Meta Platforms کە کۆمپانیای دایکو خاوەنی تۆڕی کۆمەڵایەتیی فەیسبوکە، لەڕوی بەهای بازاڕییەوە لەڕیزبەندی 10 گەورەترین کۆمپانیاکانی جیهان هاتۆتەدەرەوە، ئەمەش بەهۆی کاریگەرییەکانی دابەزینی مانگانەی پشکەکانی کە لەماوەی ڕابردوودا نزیکەی 500 ملیار دۆلاری لەدەستداوە.
بلومبێرگ باسی لەوەکردووە، کاتێک بەهای بازاڕیی کۆمپانیای میتا لەسەروو ترلیۆنێک دۆلارەوە بووە، وەک شەشەم گەورەترین کۆمپانیانی جیهان هەژمارکراوە، بەڵام بەهۆی دابەزینی بەهای بازاڕیی بۆ 565 ملیار دۆلار، ئێستا لەڕیزی یازدەیەمین گەورەترین کۆمپانیای جیهاندایە.
ئەوەش هاتووە، “دوو هەفتە لەمەوبەرو لەکاتی ڕاگەیاندنی قازانجەکانی کۆمپانیاکە کە لەخوار پێشبینییەکانەوە بوو، هەروەک دەرکەوتنی دابەزینی ژمارەی بەکاربەرەکانی، بەهای پشکی کۆمپانیاکە بەراورد بەساڵی ڕابردوو بەڕێژەی لەسەدا 46 دابەزینی تۆمارکرد
