ئەمڕۆ نرخی نەوت لە بازاڕەکانی جیهاندا بەشێوەیەکی بەرچاو ڕوویان لە دابەزین کردووە و نرخی یەک بەرمیل نەوتی برێنت لە خوار (٩٥) دۆلارەوە مامەڵەی پێوەدەکرێت.
بەگوێرەی ئاژانسەکانی بۆرسەی جیهان، لە ئێستادا نرخی یەک بەرمیل نەوتی برنت بە ٩٤ دۆلارو ٥١ سەنت مامەڵەی پێوە دەکرێت، لەکاتی داخستنی بازاڕدا بە ٩٥ دۆلارو ٤٢ سەنت مامەڵەی پێوەدەکرا.
لەهەمان کاتدا نرخی بەرمیلێک نەوتی خاوی ئەمریکیش لە ئێستادا بە ٩١ دۆلار و ٩٣ سەنت مامەڵەی پێوەدەکرێت، لەکاتی داخستنی بازاڕدا بە ٩٢ دۆلار و ٨١ سەنت بوو.
بەرزبوونەوە و دابەزینی نرخی نەوت، دوای دەستپێكی هێرشە سەربازییەكەی ڕوسیا دێت بۆ سەر خاكی ئۆكرانیا.
