پاریس سان جێرمان لە ئەگەری ڕۆیشتنی مباپێ ڕاشفۆرد بۆ شوێنەکەی دەگوازنەوە.
یانەی پاریس سان جێرمانی فەڕەنسی بەهۆی نزیکبوونەوەی ڕۆیشتنی کیلیان مباپێ بۆ ڕیاڵ مەدرید لە کۆتایی ئەم وەرزەدا دەیانەوێت هێرشبەرێک بۆ شوێنەکەی بگوازنەوە.
فابریزیۆ ڕۆمانۆ شارەزا لە بواری گواستنەوەی یاریزانان لە تۆڕی کۆمەڵایەتی تویتەر ڕایگەیاند پاریس سان جێرمان مارکۆس ڕاشفۆردی هێرشبەری یانەی مانچستەریونایتدیان لە لیستی ئەو یاریزانانە داناوە کە پاڵێوراون تا لە ئەگەری ڕۆیشتنی مباپێ پەیوەندی بە یانەی فەڕەنسیەکەوە بکەن.
ڕۆمانۆ وتیشی: ڕاشفۆرد یەکێکە لە بژاردە بەهێزەکانی پاریس بەڵام یانەکە تائێستا هیچ پەیوەندیەکیان بە بریکاری کارەکانی یاریزانە ئینگلیزیەکەوە نەکردووە کە بیر لەوە دەکاتەوە یانەکەی بەجێبهێڵێت.
گرێبەستی ڕاشفۆرد هاوینی 2023 لەگەڵ مان یونایتد کۆتایدێت و ڕاشفۆرد لە هەڵسوکەوتی یانەکەی زۆر توڕەیە چونکە لە یاری دێربی مانچستەر بەشێوەیە سەرەکی بەشداری نەکرد.
