سەرۆکی هەرێمی کوردستان پیرۆزبایی لە به‌ڵێن عه‌بدولڵا ده‌كات

سەرۆکی هەرێمی کوردستان بە بۆنەی تەواوبوونی کارەکانی یازدەمین كۆنگرە حزبی زەحمەتكێشانی كوردستان پیرۆزبایی لە به‌ڵێن عه‌بدولڵا ده‌كات.

به‌ڕێز بەڵێن عەبدوڵڵا

سکرتێری حزبی زەحمەتکێشانی كوردستان

سەرکەوتنی یازده‌هەمین كۆنگره‌ی حزبە تێکۆشەرەکەتان و هه‌ڵبژاردنه‌وه‌ی بەڕێزتان به‌ سکرتێری حزب، له‌ به‌ڕێزتان و سه‌ركردايه‌تى و کادر و ئه‌ندامان و جه‌ماوه‌رى حزبەکەتان، حزبی زەحمەتکێشانی کوردستان پیرۆز بێت، هيواى پێشکەوتن و سه‌ركه‌وتنی بەردەوامتان بۆ ده‌خوازم.

هيوادارم ئاکام و بڕیار و ڕاسپاردەکانی کۆنگرەکەتان بە سوودی يه‌كڕيزى و ته‌بايى، ئایندە و ئامانجە باڵاکانی گه‌لی کوردستان و کاری پێکه‌وه‌یی بۆ پاراستنی ده‌سکه‌وته‌ ده‌ستوورییه‌کانی هه‌رێمی کوردستان بشکێتەوە.

هه‌ر سه‌ركه‌وتوو بن.

نێچیرڤان بارزانی

سەرۆکی هەرێمی کوردستان