به‌رپرسی فه‌یله‌قی قودسی سوپای پاسداران گه‌یشته‌ به‌غدا

به‌رپرسی فه‌یله‌قی قودسی سوپای پاسداران گه‌یشته‌ به‌غدا دوای ئه‌وه‌ی دوێنێ به‌رپرسی مه‌له‌فی عێراق له‌ئێران گه‌شتبوه‌ به‌غدا.

میدیا عێراقیه‌كان بڵاویانكرده‌وه‌، ئیسماعیل قائانی به‌رپرسی فه‌یله‌قی قودسی سوپای پاسداران گه‌یشتۆته‌ به‌غداو له‌گه‌ڵ لایه‌نه‌كانی نێو چوارچێوه‌ی هه‌ماهه‌نگی كۆده‌بێته‌وه‌.

ئه‌وه‌شخراوه‌ته‌ڕوو، دوێنێ دووشه‌ممه‌ 41ی 3ی 2022 حه‌سه‌ن دانایی فه‌ڕ به‌رپرسی مه‌له‌فی عێراق له‌ئێران گه‌یشتۆته‌ به‌غداو له‌گه‌ڵ هه‌ندێك له‌به‌رپرسی حزب‌و كه‌تیبه‌كانی حه‌شدی شه‌عبی كۆبوه‌ته‌وه‌.

ڕۆژی 13 ئه‌م مانگه‌ ئێران به‌14 مووشه‌ك هه‌ولێری بۆردومانكردو میدیاكانی ئه‌و وڵاته‌ ڕایانگه‌یاند، بنكه‌یه‌كی ستراتیژی ئیسرائیلیان له‌عێراق بۆردومانكردوه‌.