لە خولی ئینگلتەرا مانچستەر سیتی دوو خاڵی گرنگی لەدەستدا و لەگەڵ کریستال پالاس یەکسانبوو.
لە درێژەی یارییەکانی هەفتەی 29ی خولی نایابی ئینگلتەرا یانەی مانچستەر سیتی لەدەرەوەی یاریگای خۆی رووبەڕووی کریستال پالاس بوەوە.
بە درێژای هەردوو تایمی یاریەکە یاریزانانی مانچستەر سیتی باشتر بینران و هەوڵێکی زۆریاندا بۆ گۆڵ تۆمارکردن بەڵام سەرکەوتوو نەبون لە گۆڵ تۆمارکردن و یاریەکە بە یەکسانی و بە بێ گۆڵ کۆتاییهات.
مانچستەر سیتی 70 خاڵی هەیە و لە پێشەنگی ڕیزبەندی خولی ئینگلتەرادایە بە جیاوازی چوار خاڵ لەگەڵ لیڤەرپوڵی دووەم کە ئەمیان یاریەکی کەمتری کردووە، کریستال پالاسیش بە 34 خاڵ پلەی 11ی گرتوە.
