نرخی نەوت بەراورد بە رۆژی چوارشەممە دابەزینی بەخۆوە بینیوە و ئەمڕۆ پێنجشەممە نرخی بەرمیلێک نەوتی برێنت زیاتر لە دۆلارێک دابەزی.
ئەمڕۆ پێنجشەممە، 16-03-2022 نرخی بەرمیلێک نەوتی خاوی برێنت بە 99 دۆلار و 63 سەنتە، نرخی بەرمیلێک نەوتی رۆژئاوای تێکساسیش بە 96 دۆلار و 57 سەنت مامەڵەی پێوەکراوە.
لە بەیانیی رۆژی دووشەممە 14ـی ئادارەوە تاوەکو ئێستا نرخی بەرمیلێک نەوتی برێنت زیاتر لە 10 دۆلار دابەزینی بەخۆوە بینیوە. هۆکاری دابەزینی نرخی نەوتیش بەشێکی دەگەڕێندرێتەوە بۆ راگەیاندنی قەدەخەی هاتووچۆ لە بەشێک لە شارەکانی چین بەهۆی سەرهەڵدانی گۆڕاوی ئۆمیکرۆنی ڤایرۆسی کۆرۆنا.
ئەو بەرزبوونەوە و نزمبوونەوەی بازاڕی نەوت بەشێکی سەرەکیشی پەیوەندیی بە کێشە جیۆسیاسییەکانی رووسیا و ئۆکراینا و هێرشی رووسیا بۆسەر ئەو وڵاتە هەیە کە ئەمڕۆ پێدەنێتە رۆژی 22ەمەوە.
