نرخی نەوت بەردەوامە لە بەرزبوونەوە و ئەمڕۆ شەممە نرخی یەک بەرمیل نەوتی برێنت بۆ سەروو 120 دۆلار بەرزبووەوە.
بەیانی رۆژی هەینی نرخی نەوت بەرزبووەوە و بەرمیلێکی برێنت بە 119 دۆلار و 40 سەنت بوو، هەروەها بەرمیلێک نەوتی رۆژئاوای تێکساسیش بە 112 دۆلار و 45 سەنت مامەڵەی پێوەکرا، ئەمڕۆ شەممەش نرخی نەوت زیاتر بەرزبووەوە و بەمشێوەیەیە:
- یەک بەرمیل نەوتی برێنت بە 120 دۆلار و 7 سەنتە
- یەک بەرمیل نەوتی رۆژئاوای تێکساس بە 113 دۆلار و 9 سەنتە.
هەفتەی رابردوو نرخی نەوت بۆ خوار 100 دۆلار دابەزی و هەر بەرمیلێک نەوتی لە خوار 100 دۆلار مامەڵەی پێوەکرا، بەڵام کۆتایی هەفتەی رابردوو نرخی نەوت جارێکی دیکە دەستی بە بەرزبوونەوە کرد، رۆژی چوارشەممەش بەهۆی لێدوانەکانی ڤلادیمیر پووتین، سەرۆکی رووسیا، نرخی نەوت چەند دۆلارێک بەرزبوونەوەی بەخۆوە بینی.
