لە قەتەر تیروپشکی مۆندیالی 2022 راکێشرا کە 32 هەڵبژاردە تێیدا بەشدارن و بەسەر هەشت گرووپدا دابەش کراون.
لە گرووپی یەکەمدا قەتەر، سەنیگال، هۆڵەندا و ئیکوادۆر بەرامبەر یەکدی یاری دەکەن، هەروەها لە گرووپی دووەمدا ئێران بەرامبەر ئینگلتەرا و ئەمریکا یاری دەکات.
بەپێی تروپشکەکە، ئەرجەنتین، مەکسیک، پۆڵەندا و سعودیە لە گرووپی سێیەم بەرامبەر یەکدی یاریی دەکەن. هەروەها لە گرووپی چوارەمدا فەرەنسا بەرامبەر هەڵبژاردەکانی دانیمارک و تونس یاری دەکات.
لە گرووپی پێنجەمدا ئەڵمانیا بەرامبەر ئیسپانیا و ژاپۆن یاری دەکات و لە گرووپی شەشەمیشدا بەلجیکا بەرامبەر هەڵبژاردەکانی مەغریب، کرواتیا و کەنەدا یاری دەکات.
لە گرووپی حەوتەمدا بەرازیل، سویسرا، سربیا و کامیرۆن بەرامبەر یەکدی یاری دەکەن، هەروەها لە گرووپی هەشتەمدا پورتوگال، ئۆرۆگوای، کۆریای باشوور و غانا بەرامبەر یەکدی یاری دەکەن.
ئێستانیوز : بێستون لەتیف
