وەزیری نەوتی عێراق رایدەگەیەنێت، بەپێی یاسای بودجەی ساڵی 2021، هەرێمی كوردستان لەسەری پێویست بوو نرخی 250 هەزار بەرمیل نەوتی رۆژانە بە نرخی سۆمۆ ڕادەستی حكومەتی عێراق بكات.
ئیحسان عەبدولجەبار، وەزیری نەوتی عێراق ڕایگەیاند، بەپێی یاسای بودجەی ساڵی 2021، هەرێمی كوردستان لەسەری پێویست بوو نرخی 250 هەزار بەرمیل نەوتی رۆژانە بە نرخی سۆمۆ رادەستی حكومەتی عێراق بكات. ئەوەی نێردراوە (بۆ هەرێمی كوردستان) دوای ئەوە بووە كە نرخی 250 هەزار بەرمیلی لێ گەڕێندراوەتەوە.
وەزیری نەوتی عێراق وتیشی، ساڵی ڕابردوو بڕە پارەیەكی كەمیان داوەتە هەرێمی كوردستان و ئەمساڵیش پێوەری دیكە لە هەژماركردنی پشكی هەرێمی كوردستان بەكاردەهێنێت و حكومەتی فیدراڵیی عێراقیش كاری لەسەر دەكات.
