لە خولی ئینگلتەرا، لیڤەرپوڵ بە چوار گۆڵی بێ بەرامبەر کلاسیکۆی لە مان یونایتد بردەوە و بەکاتی سەرکەوت بۆ پێشەنگی ڕیزبەندی.
لە هەفتەی 30ی خولی نایابی تۆپی پێی ئینگلتەرا، لیڤەرپوڵ لە یاریگای ئەنفیڵد و لە یاری کلاسیکۆدا، میوانداری مانچستەر یونایتدی کرد بەبێ ئامادەبوونی کریستیانۆ ڕۆناڵدۆ.
لیڤەرپوڵی میوان بە چوار گۆڵی بێ بەرامبەر یارییەکەی بردەوە و گۆڵەکانیشی لە خولەکەکانی 5 و 22 و 68 و 85دا لەلایەن لویز دیاز و محەمەد سەڵاح دوو گۆڵ و سادیۆ مانێوە تۆمارکرد.
بەم ئەنجامە، لیڤەرپوڵ بە 76 خاڵ و بەکاتی سەرکەوتنی بۆ پلەی یەکەمی ڕیزبەندی خولەکە بەدەستهێنا و مانچستەر یونایتدیش بە 54 خاڵەوە بۆ پلەی شەشەم دابەزی.
